સુરતના પુણા વિસ્તારમાં દોઢ વર્ષના બાળકના મોતની ઘટના સામે આવી છે. કારની નીચે આવતા દોઢ વર્ષના આર્યન કાનાણીનું મોત થયુ છે. કાર ચાલક સોસાયટીમાં સાબુ વેચવા આવ્યો હોવાનું સામે આવ્યુ છે. આ ઘટના બાદ સ્થાનિકોમાં રોષ જોવા મળ્યો છે.
સુરતમાં દોઢ વર્ષના બાળકનું મોત
કાર નીચે કચડાઈ જતા મોત
કારચાલક સોસાયટીમાં સાબુ અને પાવડર વેચવા આવ્યો હતો
આ બનાવ અંગે પ્રાપ્ત થતી વિગત પ્રમાણે સુરતના પુણા વિસ્તારમાં રહેતા આર્યન કાનાણી નામના બાળકનું કાર નીચે આવી જવાથી મોત નિપજ્યું હતું. આ ઘટનાને પગલે સમગ્ર વિસ્તારમાં અરેરાટી ફેલાઇ જવા પામી હતી.
છેલ્લા કેટલાક સમયગાળાથી બની રહ્યા છે અકસ્માતના બનાવો
નોંધનીય છે કે, રાજ્યમાં છેલ્લા કેટલાક સમયગાળાથી અકસ્માતની ઘટનાઓમાં ઉત્તરોત્તર વધારો થઇ રહ્યો છે. થોડા સમય પહેલા પણ રસ્તા પર રમી રહેલા બાળક પર ડોક્ટર કાર ચાલકની કાર ફરી વળતા બાળકનું કમકમાટી ભરેલું મોત નિપજ્યું હતું.
પરિવાર પર તૂટી પડ્યું આભ
દોઢ વર્ષના દીકરા આર્યન કાનાણીનું અચાનક મોત થતાં તેના પરિવારજનો પર આભ તૂટી પડ્યું હતું. પોતાના વ્હાલસોયાને ગુમાવીને પરીવાર ચોધાર આંસુએ રડી પડ્યો હતો.