રાજ્યના વાલીઓની આંખ ઉઘાડતો કિસ્સો સામે આવ્યો છે. અમદાવાદમાં ઇન્દિરાબ્રીજ નજીક ઇસ્કોન વીલા સોસાયટી પાસે કારમાં બાળકનું મોત થયા હોવાની ઘટના સામે આવી છે. ઇસ્કોન બંગ્લોઝ નજીક રોડ પર પાર્ક કરેલી કારમાંથી 5 વર્ષના બાળકનો મૃતદેહ મળી આવ્યો છે. ગૂંગળામણથી બાળકનુ મૃત્યુ થયાનુ પ્રાથમિક તારણ.
અમદાવાદમાં કારની અંદર બાળકના મોતનો મામલો
કારની અંદર બાળકના મોત મુદ્દે પોલીસનુ નિવેદન
CCTVમાં બાળક ગાડીમાં જતો દેખાય છેઃ પોલીસ
ઇસ્કોન બંગ્લોઝ નજીક રમતા રમતા બાળક કારમાં બેસી ગયો હતો અને દરવાજો લોક થઇ જતા તે ગાડીમાં જ ફસાઇ ગયો હતો. આ અંગે પોલીસે નિવેદન આપ્યું હતું. જેમાં તેમણે જણાવ્યું કે, CCTVમાં બાળક ગાડીમાં જતો દેખાય છે. ગાડીમાં બાળક જવાથી ગાડી લોક થઇ ગઇ હતી. ત્યારે ગૂંગળામણથી બાળકનું મોત થયાનું પ્રાથમિક તારણ છે. એક અઠવાડિયાની આસપાસ કાર પાર્ક કરેલી હતી. FSLની મદદ લેવામાં આવી છે. મૃતદેહનું પીએમ કરાવવામાં આવશે. જો કાર માલિકની બેદરકારી હશે તો તેની સામે કાર્યવાહી કરવામાં આવશે.
જોકે સમગ્ર ઘટનાના CCTV ફૂટેજ બહાર આવ્યા છે. જેમાં એક મહિલા(બાળકની માતા)ની પાછળ બાળક આવે છે અને કારનો દરવાજો ખોલી અંદર બેસી જાય છે. ઘટનાને પગલે એરપોર્ટ પોલીસનો કાફલો ઘટનાસ્થળે પહોંચ્યો હતો. મૃતદેહને પોસ્ટમોર્ટમ માટે મોકલ્યો હતો.
માતા બાળકને શોધવા નિકળતા ગાડીમાં જોવા મળ્યો
ઇન્દિરાનગર બ્રિજ નજીક બપોરે 12 વાગ્યા આસપાસ તેની માતા સાથે જતો હતો. ત્યારે માતા આગળ જતી રહી હતી અને બાળક પાછળ આવતું હતું. આ દરમિયાન બાળક ગાડી જોતા જ ગાડી પાસે ગયો અને દરવાજો ખોલતાં ખુલી ગયો હતો બાદમાં તે અંદર બેસી ગયો હતો. આ દરમિયાનમાં કાર લોક થઇ ગઇ હતી. જેને લઇને તે અંદર ગૂંગળાઇ ગયો હતો. માતા જતા જતા પાછળ બાળક જોયો ન હતો. જેથી માતા બાળકને શોધવા પાછી ઘરે ગઈ હતી. પરંતુ બાળક ઘરે ન હતો. બાળકને શોધતા શોધતા તેઓ આવ્યા હતા. દરમ્યાનમાં ગાડીમાં લાલ કલરવાળા કપડાં પહેરેલો બાળક જોવા મળ્યો હતો.