શરમજનક / નિર્દોષ બાળક જન્મતા જ ફરી ધૂળમાં ભળી ગયુ, બનાસકાંઠાનો હૃદય દ્વાવક કિસ્સો

• બનાસકાંઠાના ભાભર તાલુકાનો બનાવ
• બાળકને રસ્તે રઝળતુ કરી દેવાયું
• રાહદારીઓએ પોલીસનો સંપર્ક કર્યો

બનાસકાંઠાના ભાભર તાલૂકાના મેરા ગામ નજીક આવેલી કેનાલમાં રસ્તા પર એક બાળકોનો મૃતદેહ મળી આવ્યો છે. આ મૃતદેહને જોતા ભલ ભલાના કાળજા કંપી જાય તેવી સ્થિતિ નિર્માણ પામી હતી. 

સોમવારે સવારે નવજાત શિશુ મળી આવતાં રાહદારીઓ હચમચી ઊઠ્યા હતા. તુરંત ઘટનાની જાણ ભાભર પોલીસને કરવામાં આવી. ઘટના સ્થળે પહોંચેલી પોલીસે શિશુને સીધો કરીને તે જીવે છે કે મૃત્યુ પામ્યો તેની તપાસ કરી તો ખબર પડીકે તે મૃત હાલતમાં હતો. મૃતદેહનું ભાભર સીએચસી ખાતે પીએમ કરવામાં આવ્યુ અને બાળકને જાહેરમાં ફેંકી દેવાનું કૃત્ય આચરનાર સામે ગુનો નોંધી તપાસ કરવામાં આવી છે. 

પોલીસ સૂત્રોએ જણાવ્યું હતુ કે, આસપાસ જ્યાં જ્યાં પ્રસૂતિ કરવામાં આવી છે ત્યાં આ અંગેની તપાસ કરવામાં આવી છે. હાલમાં મોતનું પ્રાથમિક અનુમાન કરાયું નથી પરંતુ પીએમ રિપોર્ટ બાદ વધુ વિગત સામે આવશે.