દેશના ઘણા બધા યુવાનોના મનમાં સવાલ થતાં હશે કે રાજકારણીઓનો પગાર કેટલો હોય છે. અને એમાં પણ જુદા જુદા રાજ્યોના મુખ્યમંત્રીનો પગાર શું એક સરખો હોય છે?
કેટલું કમાય છે દેશના મુખ્યમંત્રીઓ?
અમૂકની સેલેરી તો પ્રધાનમંત્રી કરતાં પણ વધારે
સૌથી વધારે તેલંગાણા તો સૌથી ઓછો પગાર ત્રિપુરાના સીએમનો
ભારત જુદા જુદા રાજ્યોનો બનેલો દેશ છે જેમા જુદી જુદી સરકારો કામ કરે છે. આ રાજ્યોમાં ચૂંટણી પણ અલગ અલગ સમયે થાય છે જેથી દેશ એક સંઘીય ઢાંચામાં કામ કરે છે. જેટલા રાજ્ય એટલા મુખ્યમંત્રીઓ પણ દેશમાં કામ કરી રહ્યા છે ત્યારે આજે દેશના ઘણા બધા યુવાનોના મનમાં સવાલ થતાં હશે કે રાજકારણીઓનો પગાર કેટલો હોય છે. અને એમાં પણ જુદા જુદા રાજ્યોના મુખ્યમંત્રીનો પગાર શું એક સરખો હોય છે? એવામાં તમામ લોકોએ જાણવું જ જોઈએ કે તમારા રાજ્યના મુખ્યમંત્રીની સેલેરી કેટલી છે.
વિધાનસભા નક્કી કરે છે પગાર
ભારતીય બંધારણ અનુસાર રાજ્યપાલ રાજ્યના મુખ્યમંત્રીની નિયુક્તિ કરી આપે છે. હાલમાં દેશમાં કુલ 28 રાજ્યો અને આઠ કેન્દ્ર શાસિત પ્રદેશ છે અને જે તે રાજ્યોના મુખ્યમંત્રીનો પગાર ત્યાંની વિધાનસભા નક્કી કરે છે. સામાન્યપણે દર દસ વર્ષે મુખ્યમંત્રીનો પગાર વધારવામાં આવે છે.
ઘણા મુખ્યમંત્રીનો પગાર તો વડાપ્રધાન કરતાં પણ વધારે
તમને પણ એવું લાગતું હશે કે દેશના રાષ્ટ્રપતિનો પગાર સૌથી વધારે હશે અને તે પછી પીએમનો પગાર પણ વધારે હશે. જોકે જાણીને આશ્ચર્ય થશે કે દેશના ઘણા રાજ્યો એવા છે જેમની સેલેરી PM કરતાં પણ વધારે છે.
યુપી કરતાં દિલ્હીવાળા CM મોંઘા, ગુજરાત પણ નથી પાછળ
તેલંગાણાનાં મુખ્યમંત્રીની સેલેરી દેશમાં સૌથી વધારે છે અને તે પછી દિલ્હીનો નંબર આવે છે. ઉત્તર પ્રદેશના મુખ્યમંત્રી પણ ત્રીજા નંબર છે જ્યારે ગુજરાત પણ આ મામલે બહુ પાછળ નથી.
ત્રિપુરાના મુખ્યમંત્રીનો સેલેરી તમામ મુખ્યમંત્રીની તુલનામાં સૌથી ઓછી છે.