સુરેન્દ્રનગરથી સુજલામ્ સુફલામ્ જળ અભિયાનનો મુખ્યમંત્રી રૂપાણીએ કરાવ્યો પ્રારંભ

સુરેન્દ્રનગરના થાન તાલુકાના તરણેતરથી મુખ્યમંત્રી વિજય રૂપાણીએ સુજલામ સુફલામ જળ અભિયાનનો રાજ્યવ્યાપી પ્રારંભ કરાવ્યો. જળ ક્રાંતિના આ અભિયાનથી સૌરાષ્ટ્ર-કચ્છ સહિત સુરેન્દ્રનગરમાં પડતી પાણીની હાલાકી દૂર થશે.
 

સુરેન્દ્રનગરના તરણેતરથી રાજ્‍યવ્‍યાપી સુજલામ્ સુફલામ્ જળ અભિયાનનો શુભારંભ કરાવ્યો હતો.#SujalamSufalamJalAbhiyan#GujaratJalAbhiyan pic.twitter.com/Sxnn4YuDfG

— Vijay Rupani (@vijayrupanibjp) February 23, 2019

અભિયાન અંતર્ગત રાજ્યમાં 330 કરોડ રૂપિયાના ખર્ચે અંદાજે ૧૩ હજાર ૮૩૪ કામ હાથ ધરાશે અને રાજ્યભરમાં લોકભાગીદારીથી અંદાજે ૩ હજાર ૫૨૪ તળાવો, ચેકડેમ અને જળાશયો ઉંડા ઉતારાશે.

ચાલુ વર્ષે રાજ્યમાં ઓછો વરસાદ પડતાં અનેક જિલ્લામાં પાણી માટે હાલાકી પડી રહી છે. ત્યારે આગામી સમયમાં પાણીના સંગ્રહ માટે સુજલામ્ સુફલામ્ જળ અભિયાન મહત્વનું બની રહેશે. આ અંગે મુખ્યમંત્રી વિજય રૂપાણી કહ્યું કે, સમગ્ર રાજ્યમાં જળ અભિયાનને લોક ભાગીદારીથી મિશન મોડમાં ઉપાડી જળ સંકટ દૂર કરવા રાજ્ય સરકાર કટિબદ્ધ છે.
 

સુરેન્દ્રનગર ના તરણેતર ખાતે સુજલામ્ સુફલામ્ જળ અભિયાન – 2019 નો રાજ્યવ્યાપી શુભારંભ કરાવતા માન. મુખ્યમંત્રી શ્રી @vijayrupanibjp #SujalamSufalamJalAbhiyan#GujaratJalAbhiyan pic.twitter.com/cjH3qUAwGr

— BJP Gujarat (@BJP4Gujarat) February 23, 2019

ઉલ્લેખનીય છે કે, રાજ્યમાં કુલ અંદાજે ૧૩૮૩૪ કામો રૂ. ૩૩૦ કરોડના ખર્ચે હાથ ધરવામાં આવશે અને રાજ્યભરમાં લોકભાગીદારીથી અંદાજે  ૩૫૨૪ તળાવો, ચેકડેમો, જળાશયો ઉંડા ઉતારવાની કામગીરી કરવામાં આવશે તેમ જણાવ્યું હતું. આ તકે સાંસદ દેવજીભાઈ ફતેપરા, ડો. ભરતભાઈ બોઘરા સહીત સ્થાનિક હોદેદારો, કાર્યકરો મોટી સંખ્યામાં ઉપસ્થિત રહ્યા હતા.