BIG NEWS / CM ભૂપેન્દ્ર પટેલનો મોટો નિર્ણય,એવિએશન ફ્યૂઅલના VATમાં 20 ટકાનો ઘટાડો, જાણો શું થશે ફાયદો

• ગુજરાત સરકારનો મહત્વનો નિર્ણય
• એવિએશન ટર્બાઇન ફ્યુઅલ (ATF) મૂલ્ય વર્ધિત વેરામાં કર્યો ઘટાડો
• હવે હવાઈ મુસાફરી સસ્તી થશે

મુખ્યમંત્રી ભૂપેન્દ્ર પટેલે વાહતુક હવાઈ સેવાઓમાં વપરાતા એવિએશન ટર્બાઇન ફ્યુઅલ (ATF) પરના મૂલ્ય વર્ધિત વેરાના દરમાં 20 % નો ઘટાડો કરવાનો નિર્ણય કર્યો છે  આ ઘટાડો આજે મધ્યરાત્રીથી અમલમાં આવશે. 

મુખ્યમંત્રીશ્રી ભૂપેન્દ્ર પટેલે એવિએશન ટર્બાઇન ફ્યુઅલ પરના મૂલ્ય વર્ધિત વેરાના દરમાં 20% નો ઘટાડો કરવાનો નિર્ણય કર્યો છે જે આજે મધ્યરાત્રીથી અમલમાં આવશે. મુખ્યમંત્રીએ ગત 13મી ડિસેમ્બરે ATF દરોમાં 5% નો ઘટાડો કર્યો હતો, આ વધુ 20% ઘટાડાને પરિણામે ATF પર 5% નો મૂલ્ય વર્ધિત દર રહેશે.

— CMO Gujarat (@CMOGuj) January 4, 2022

આ પહેલા 5 ટકાનો કર્યો હતો ઘટાડો
મુખ્યમંત્રીના આ પ્રજાલક્ષી નિર્ણયને કારણે રાજ્યમાં પ્રવાસન પ્રવૃત્તિઓને વેગ મળશે અત્રે ઉલ્લેખનીય છે કે મુખ્યમંત્રીશ્રી એ ગત 13મી ડિસેમ્બરે ATF ના દરોમાં પાંચ ટકાનો ઘટાડો કર્યો હતો.હવે આ વધુ 20 ટકા ઘટાડાને પરિણામે ATF પર   રાજ્યમાં 5 ટકા નો મૂલ્ય વર્ધિત દર રહેશે
    

શું ફાયદો થશે?
રાજ્ય સરકારના આ નિર્ણયથી હવે આગામી દિવસોમાં એર કંપનીઓ દ્વારા હવાઇ ભાડાના દરમાં ઘટાડો કરવામાં આવશે જેથી વધુ લોકો હવાઇ મુસાફરી કરશે અને રાજ્યમાં પ્રવાસન પ્રવૃતિને પણ વેગ મળશે તે હેતુસર આ નિર્ણય ગુજરાત સરકાર દ્વારા લેવામાં આવ્યો છે.