શુભેચ્છાઓ ! / નવા વર્ષ પ્રારંભે મુખ્યમંત્રી ભૂપેન્દ્ર પટેલે આ મંદિરોના કર્યાં દર્શન, સૌ કોઈને આપી શુભેચ્છાઓ

નવા વર્ષે CM ભૂપેન્દ્ર પટેલના વિવિધ કાર્યક્રમો
CM ભૂપેન્દ્ર પટેલે ત્રિમંદિરમાં કર્યા દર્શન
પંચદેવ મંદિરમાં CM ભૂપેન્દ્ર પટેલે કરી પૂજા

દિવાળી બાદ નવા વર્ષની નવી સવારનો ઉદય થયો છે. આજે સમગ્ર દેશમાં સૌકોઈ નવા વર્ષની એકબીજાને શુભેચ્છાઓ પાઠવી રહ્યું છે. ત્યારે ગુજરાતના મુખ્યમંત્રી ભૂપેન્દ્ર પટેલ પણ નવા વર્ષના પહેલા દિવસે મંદિરે દર્શન કરવા પહોંચ્યા હતા. મુખ્યમંત્રી વહેલી સવારે ગાંધીનગર સ્થિત મંચદેવના મંદિરે દર્શન કર્યા બાદ નવા વર્ષની શરુઆત કરી હતી. આજે CM ભૂપેન્દ્ર પટેલના અનેક કાર્યક્રમ છે અમદાવાદના ભદ્રકાળી મંદિરની પણ મુલાકાત લેવાના છે. તેમજ લોકોની સાથે શુભેચ્છા મુલાકાત લેશે સાથે જ સર્કિટ હાઉસ ખાતે લોકો સાથે મુલાકાત પણ કરનાર છે. 

આજે નવા વર્ષે CM ભૂપેન્દ્ર પટેલના વિવિધ કાર્યક્રમો

ગાંધીનગર મંદિરના દર્શન કર્યા બાદ મુખ્યમંત્રી અડાલજના ત્રિમંદિરમાં દર્શન કરવા પહોંચ્યા હતા જ્યાં તેમણે પૂજન કરી સૌ કોઈને નવા વર્ષની શુભેચ્છાઓ આપી હતી. મુખ્યમંત્રીએ કહ્યું કે ગુજરાત અને ગુજરાત બહાર દેશ વિદેશમાં વસતા સૌ ગુજરાતી પરિવારોને નવા વર્ષની શુભેચ્છાઓ પાઠવતા કહ્યું કે આ વર્ષ સૌની આરોગ્ય સુખાકારી સાથે સુખ સમૃદ્ધિ અને વિકાસ લાવનારું બને તેવી પ્રભુ પ્રાર્થના કરી છે. સાથે જ તેમણે સમાજ વર્ગોની શકિત ક્ષમતા અને સૌના સહયોગથી આત્મ નિર્ભર ગુજરાત થી આત્મ નિર્ભર ભારત નો સંકલ્પ સિદ્ધ કરવા પણ નૂતન વર્ષે આહવાન કર્યું હતું. 

CM ભૂપેન્દ્ર પટેલ ભદ્રકાળી મંદિરે દર્શન કરશે

આજે મુખ્યમંત્રી 10.45 થી 11.45 કલાકે અમદાવાદના એનેક્ષી સર્કિટ હાઉસ, શાહીબાદ ખાતે નગારિકોને નવા વર્ષની શુભકામના આપશે. તે પહેલા મુખ્યમંત્રી અમદાવાદના ભદ્રકાળી માતાના દર્શન પણ કરશે, તથા 11.50 કલાકે શાહીબાગ ડફનાળા ખાતે પોલીસ અધિકારીઓ અને તેમના પરિવારની પણ શુભેચ્છા મુલાકાત લેશે અને દિવાળીની શુભકામનાઓ પાઠવશે. 

રાજ્યના મુખ્યમંત્રીએ પાઠવી શુભેચ્છાઓ 

નવા વર્ષની શરૂઆત થતા જ મુખ્યમંત્રીએ સોશિયલ મીડિયા પ્લેટ ફોર્મ પર નાગરિકોનો ટ્વીટ કરી નવા વર્ષની સૌને નવા વર્ષની શુભેચ્છાઓ પાઠવી છે. મુખ્યમંત્રીએ લખ્યું કે ગરવી ગુજરાતના સૌ નાગરિકોને નૂતન વર્ષની હાર્દિક શુભકામનાઓ. આવનારુ નવું વર્ષ આપ સૌના જીવનમાં સુખ,સમૃદ્ધિ અને ખુશીઓ લાવે તેવી હ્યયપૂર્વકની શુભેચ્છાઓ. નૂતન વર્ષાભિનંદન.