SHORT & SIMPLE / VIDEO: CM ભૂપેન્દ્ર પટેલે લીધી CPRની ટ્રેનિંગ, કહ્યું, લોકોનો જીવ બચાવી શકાય એ જ આ કાર્યક્રમનો હેતુ

• અમદાવાદમાં CPR તાલીમ કાર્યક્રમનો પ્રારંભ
• મુખ્યમંત્રી ભૂપેન્દ્ર પટેલે લીધી CPR તાલીમ
• લોકોના જીવ બચાવવા આજે ભાજપના કાર્યકર લેશે તાલીમઃ CM

રાજ્યમાં હાર્ટ એટેકના બનાવો સતત વધી રહ્યા છે. ત્યારે ભારતીય જનતા પાર્ટીના પ્રદેશના ડોક્ટર સેલ દ્વારા કાર્યકરોને CPR તાલીમ આપવાનું શરૂ કરાયું છે. આ કાર્યક્રમનો આજે મુખ્યમંત્રી ભૂપેન્દ્ર પટેલે અમદાવાદ સિવિલ હોસ્પિટલ ખાતેથી અને પ્રદેશ અધ્યક્ષ સી.આર પાટીલે સુરત ખાતેથી પ્રારંભ કરાવ્યો છે. આજે 38 કોલેજોમાં 1200 જેટલા તબીબો ભાજપના કાર્યકરોને તાલીમ આપશે.

અમદાવાદમાં CM ભૂપેન્દ્ર પટેલે લીધી તાલીમ
અમદાવાદ સિવિલ હોસ્પિટલ ખાતે આ કાર્યક્રમનો પ્રારંભ કરાવ્યા બાદ સૌથી પહેલા મુખ્યમંત્રી ભૂપેન્દ્ર પટેલે આ ટ્રેનિગ લીધી હતી. મુખ્યમંત્રી ભૂપેન્દ્ર પટેલે કાર્ડિયાક એરેસ્ટ વખતે આપવામાં આવતા CPR એટલે કાર્ડિયો પલ્મોનરી રીસસીટૌશનની ટ્રેનિંગ લીધી હતી. 

CM ભૂપેન્દ્ર પટેલે જીવ બચાવવાની ટ્રેનિંગ લીધી | VTV Gujarati@Bhupendrapbjp @CMOGuj#vtvgujarati #gujartnews #cmbhupendrapatel #CPR #CP#cprtraining pic.twitter.com/uG2mRs4ny0

— VTV Gujarati News and Beyond (@VtvGujarati) April 2, 2023

70 હજાર કાર્યકરોને અપાશે તાલીમઃ CM
આ વેળાએ મુખ્યમંત્રીએ જણાવ્યું હતું કે, ભારતીય જનતા પાર્ટીનો દરેક કાર્યકર્તા જનતાની સેવા માટે સમર્પિત છે. ભાજપના કાર્યકરો ગમે તેવી મુશ્કેલી હોય ત્યારે સેવાના કામમાં જરૂર આવીને ઉભા રહે છે. આજે લોકોના જીવ બચાવવા માટે ભાજપના કાર્યકરોને CPR તાલીમ આપવામાં આવશે. રાજ્યની 38 મેડિકલ કોલેજોમાં 1200થી વધુ તબીબો દ્વારા અંદાજિત 70 હજારથી વધુ ભાજપના કાર્યકરોને તાલીમ આપવામાં આવી રહી છે. જેનો એક વર્લ્ડ રેકોર્ડ નોંધાવા પણ જઈ રહ્યો છે.