ગાંધીનગર / CM ભૂપેન્દ્ર પટેલનો આગવો અંદાજ: ચાર્જ સંભાળ્યાના પ્રથમ દિવસે જ જોવા મળી સહજતા, લોકોએ વખાણ્યા

• મંત્રીઓના કાર્યાલયમાં મુખ્યમંત્રી સામે ચાલીને મળવા ગયા
• નવનિયુકત મંત્રીઓને મુખ્યમંત્રી ભૂપેન્દ્ર પટેલે શુભેચ્છા પાઠવી
• સાહજીકતાથી મંત્રીશ્રીઓ આનંદ સહ આશ્ચર્યની અનૂભુતિ કરી હતી

રાજ્ય મંત્રીમંડળના નવનિયુકત મંત્રીશ્રીઓના કાર્યાલયમાં મુખ્યમંત્રી ભૂપેન્દ્ર પટેલ સામે ચાલીને મળવા ગયા અને શુભેચ્છાઓ પાઠવી છે. મંત્રીશ્રીઓને શુભેચ્છા પાઠવવા આવેલા શુભેચ્છકો-નાગરિકો સાથે મંત્રીશ્રીઓના કાર્યાલયના પરસાળમાં ઊભા રહી વાતચીત કરીને લાક્ષણિકતા પણ દર્શાવી હતી.  મુખ્યમંત્રી ભૂપેન્દ્ર પટેલ પોતાના આગવા સરળ-સહજ સ્વભાવથી ‘સૌના ભૂપેન્દ્રભાઇ’ બની રહ્યા છે. 

મુખ્યમંત્રી મંત્રીઓને સામે ચાલીને મળવા પહોંચ્યા
તેમણે પોતાની આ સાહજિકતાનો એક વિશિષ્ટ પરિચય બીજીવાર મુખ્યમંત્રીનો પદભાર સંભાળ્યાના પ્રથમ દિવસે મંગળવારે સૌને કરાવ્યો હતો. મુખ્યમંત્રી ભૂપેન્દ્ર પટેલ અને તેમના મંત્રીમંડળના સહયોગી નવનિયુકત મંત્રીઓના સ્વર્ણિમ સંકુલ-1 અને સંકુલ-2માં આવેલા કાર્યાલયોમાં સામે ચાલીને અચાનક જઇ પહોંચ્યા હતા અને મંત્રીશ્રીઓને પદભાર સંભાળવા અવસરે પ્રત્યક્ષ શુભકામનાઓ આપી હતી.
 
CMએ ભૂપેન્દ્ર પટેલે મંત્રીઓને પાઠવી શુભેચ્છા
 મંત્રીશ્રીઓને શુભેચ્છા પાઠવવા આવેલા શુભેચ્છકો-સામાન્ય નાગરિકો સાથે પણ મંત્રીઓના કાર્યાલયની પરસાળમાં જ ઉભા રહીને મુખ્યમંત્રી ભૂપેન્દ્ર પટેલને સામાન્ય વ્યક્તિ ‘કોમનમેન’ની જેમ સૌને મળ્યા હતા. મુખ્યમંત્રી ભૂપેન્દ્ર પટેલની આવી સાહજીકતાથી મંત્રીશ્રીઓ અને શુભેચ્છકો-નાગરિકોએ આનંદ સહ આશ્ચર્યની અનૂભુતિ કરી હતી.