અર્થવ્યવસ્થા / મુખ્ય આર્થિક સલાહકારે કહ્યું, મહામારીની બીજી લહેરની અર્થવ્યવસ્થા પર બહુ મોટી અસર પડવાની આશંકા નથી

• 2022ના નાણા વર્ષમાં 11 ટકાની વૃદ્ધિનું અનુમાન લગાવી શકાયુ હતુ
• મહામારીની અનિશ્ચિતતાને જોતા કોઈ વાસ્તવિક સંખ્યા જણાવવી મુશ્કેલ 
•  2020-21 માટે જીડીપીમાં 8 ટકાનો ઘટાડો આવવાનું અનુમાન 

2022ના નાણા વર્ષમાં 11 ટકાની વૃદ્ધિનું અનુમાન લગાવી શકાયુ હતુ

મુખ્ય આર્થિક સલાહકાર કે વી સુબ્રમણ્યમે સોમવારે કહ્યુ કે કોરોનાની બીજી લહેરની ભારતીય અર્થવ્યવસ્થા પર બહુ અસર પડવાની આશંકા નથી. પરંતુ આગળ વિકાસની સ્પીડમાં તેજી લાવવા માટે નાણા અને મુદ્રિક સહાયતાની જરુર રહેશે. તેની સાથે તેમણે કહ્યુ કે મહામારીથી ઉત્પન્ન પરિસ્થિતિઓને જોતા એ અનુમાન લગાવવું મુશ્કેલ છે કે શુ હાજર નાણા વર્ષમાં દેશની આર્થિક વૃદ્ધિ દર બેવડા આંકડામાં હશે કે કેમ. આ વર્ષે જાન્યુઆરીમાં જારી આર્થિક સર્વેક્ષણ 2020-21માં માર્ચ 2022માં સમાપ્ત થનારા નાણા વર્ષમાં 11 ટકાની વૃદ્ધિનું અનુમાન લગાવી શકાયુ હતુ.

મહામારીની અનિશ્ચિતતાને જોતા કોઈ વાસ્તવિક સંખ્યા જણાવવી મુશ્કેલ 

સુબ્રમણ્યમે કહ્યું કે મહામારીને લઈને બનેલી અનિશ્ચિતતાને જોતા કોઈ વાસ્તવિક સંખ્યા જણાવવી મુશ્કેલ રહેશે. પરંતુ અમારુ આકલન એ છે કે બહું મોટી અસર નહીં પડે ખાસ કરી એ ધ્યાન રાખતા કે અમે આર્થિક સર્વેક્ષણ અને બજેટ બન્નેમાં જે અનુમાન લગાવ્યુ હતુ. તે બહું સંયમિત અનુમાન હતુ.
 
 2020-21 માટે જીડીપીમાં 8 ટકાનો ઘટાડો આવવાનું અનુમાન 

ઉલ્લેખનીય છે કે મહામારીની બીજી લહેરની ઝપેટમાં આવવાની થોડાક સમય પહેલા છેલ્લા ક્વાર્ટરમાં વુદ્ધિ દરે સ્પીડ પકડ્યા બાદ માર્ચ 2021માં સમાપ્ત નાણા વર્ષમાં ભારતના સકળ ઘરેલુ ઉત્પાદન(જીડીપી)માં ઘટાડો 7.3 ટકા સુધી મર્યાદિત રહ્યો. પહેલા આમાં મોટો ઘટાડો હોવાનુ અનુમાન કરવામાં આવ્યુ હતુ. આર્થિક સર્વેક્ષણમાં નાણા વર્ષ 2020-21 માટે જીડીપીમાં 8 ટકાનો ઘટાડો આવવાનું અનુમાન લગાવવામાં આવ્યુ હતુ.

 નાણા વર્ષના પહેલા ક્વાર્ટરમાં વૃદ્ધિ દર ઘટવાનો થોડો ખતરો 

સુબ્રમણ્યમે કહ્યુ કે કોરોનાની બીજી લહેરને રોકવા લગાવાયેલા પ્રતિબંધોથી હાલના નાણા વર્ષના પહેલા ક્વાર્ટરમાં વૃદ્ધિ દર ઘટવાનો થોડો ખતરો છે. તેમણે કહ્યુ કે આગળ અર્થવ્યવસ્થા માટે નાણાકીય મદદ મહત્વપૂર્ણ છે. તેમણે કહ્યુ કે સરકારના વધારે વ્યય અને સરલ નિકાસમાં તેજીના આધારે ગત નાણા વર્ષના બીજા ક્વાર્ટરમાં જીડીપીના વુદ્ધિ દરમાં ખાસ સુધારો થયો હતા.  સુબ્રમણ્યમે મુદ્રાસ્ફુતિને લઈને કહ્યુ કે આનુ અંદાજીત મર્યાદામાં રહેવાની આશા છે અને આ નિર્ધારિત સીમાઓથી ઉપર ન જવી જોઈએ. તેમણે સાથે જ કહ્યુ કે સામાન્ય મોનસૂનની આશા સાથે આ નાણા વર્ષમાં ખાદ્યોનો રોકોર્ડ ઉત્પાદન હોવાનુ અનુમાન છે.