પૂર્વ વિત્તમંત્રી અને વરિષ્ઠ કોંગ્રેસના નેતા પી. ચિદમ્બરમને સુપ્રીમ કોર્ટમાંથી ઝટકો મળ્યો છે. સુપ્રીમ કોર્ટે ચિદમ્બરમની આગોતરા જામીનની અરજી રદ કરી છે. જેને લઇને ED દ્વારા ચિદમ્બરમની કોઇપણ સમયે ધરપકડ કરવામાં આવી શકે છે.
સુપ્રીમ કોર્ટે પૂર્વ નાણાંમંત્રી પી. ચિદમ્બરમને ઝટકો આપ્યો છે. INX મીડિયા કેસમાં કોર્ટે પી. ચિદમ્બરમને આગોતરા જામીન આપવાનો ઇનકાર કરી દીધો છે અને તેમની અરજી ફગાવી દીધી છે.
આમ હવે ઇડી INX મીડિયા કેસમાં પૂછપરછ માટે કોઇપણ સમયે પી. ચિદમ્બરમની ધરપકડ કરી શકે છે. સુપ્રીમ કોર્ટે જણાવ્યું કે એજન્સી પૂર્વ નાણાંમંત્રીની ધરપકડ કરી પૂછપરછ કરી શકે છે.
ઉલ્લેખનીય છે કે INX મીડિયા કેસમાં પૂર્વ નાણાંમંત્રી પી. ચિદમ્બરમ હાલ સીબીઆઇની કસ્ટડીમાં છે. આગોતરા જામીન તેમજ સીબીઆઇ કસ્ટડી મામલે સુપ્રીમ કોર્ટમાં સુનાવણી કરવામાં આવી.
કેસ ડાયરીને લઇને સુપ્રીમ કોર્ટે અવલોકન કરતાં કહ્યું કે અમે ઇડીની કેસ ડાયરીને જોઇ છે. અમે ઇડીના દાવાથી સહમત છીએ. સુપ્રીમ કોર્ટે આ મામલે આદેશ કર્યો છે કે ઇડીએ શું આ મામલે દસ્તાવેજ એકઠા કર્યા છે.
આ દસ્તાવેજ પી. ચિદમ્બરમને બતાવવાની જરૂર નથી. આ સાથે એજન્સીએ પૂર્વ નાણાંમંત્રીને શુ સવાલ પૂછ્યાં તે અંગેની ટ્રાન્સક્રિપ્ટ કોર્ટમાં રજૂ કરવાની જરૂર નથી. સુપ્રિમ કોર્ટમાં સુનાવણી દરમિયાન પૂર્વ નાણાંમંત્રી પી. ચિદમ્બરમની પત્ની નલિની ચિદમ્બરમ, દિકરા કાર્તિ ચિદમ્બરમ,વકીલ અભિષેક મનુ સંઘવી તેમજ કપિલ સિબ્બલ ઉપસ્થિત રહ્યાં.