ગુજરાતમાં દારૂબંધીને લઇને સવાલો ઉઠી રહ્યા છે.દર બે દિવસે દારૂબંધીના નિયમો નેવે મુકતી ઘટનાઓ સામે આવે છે. ક્યાંક પોલીસની રહેમનજર હેઠળ જ બુટલેગરો તો બેફામ બને છે તો ક્યાંક બુટલેગરોને પોલીસને પણ ડર રહ્યો નથી. અવારનવાર બનતી આવી ઘટનાઓને લઇને સવાલ ઉઠે તે વ્યાજબી છે કે શું ખરેખર ગુજરાતમાં દારૂબંધી છે ખરા ? કોંગ્રેસના વાવના ધારસભ્ય ગેનીબેન ઠાકોર બાદ હવે બીટીપી નેતા છોટુ વસાવાના પત્નીએ સરકાર સામે સવાલો ઉઠાવ્યા છે.
ગુજરાતમાં દારૂબંધી હટાવો અથવા કડક અમલ કરો- સરલા વસાવા
ગુજરાતમાંથી દારૂબંધી મુદ્દે છોટુ વસાવાના પત્ની સરલા વસાવાએ નિવેદન આપતા જણાવ્યું કે સરકાર દારૂબંધીનો કડક અમલ કરાવતી નથી. ખુલ્લેઆમ દારૂવેચાઇ રહ્યો છે. યુવાનો બરબાદ થઇ રહ્યાછે. બહેનો નાની ઉંમરમાં વિધવા થઇ રહી છે. આજે મહિલાઓ બેરોજગાર અને વિધવા દારૂના લીધે છે. આ માટે પોલીસે સખત કાર્યવાહી કરવી પડશે. સખત કાયદો લાગુ કરવો પડશે.અને જો તેમ ન કરવુ હોય તો ગુજરાતમાં દારૂબંધી હટાવી દો. સારામાનો દારૂ મળે તો લોકો બચી શકે. દારૂબંધી હોવા છતાં ગામડાઓમાં દારૂ વેચાય છે. જેમાં કેમિકલ ભેળવેલો હોય છે જેથી નાની ઉંમરમાં જ મોતને ભેટે છે. આ માટે સરકારે પગલા લેવા જોઇએ.જેથી સરકારે દારૂબંધીનો કડક અમલ કરાવવો જોઈએ, અથવા રાજ્યમાંથી દારૂબંધી હટાવવી જોઈએ.
અસલાલીમાંથી એક શખ્સ દારૂની હેરાફેરીમાં ઝડપાયો
અમદાવાદના અસલાલીમાં દારૂની હેરાફેરી કરતો શખ્સ ઝડપાયો. પોલીસ જાપ્તામાં ઉભેલા આ આરોપીએ કાર ભાડે રાખીને દારૂની હેરાફેરી કરતો હતો. જો કે પોલીસની સતર્કતાથી અસલાલી પોલીસે XUV કાર સાથે દારૂકબ્જે કર્યો . 1 લાખની કિંમતના દારૂ સાથે 8 લાખનો મુદ્દામાલ કબ્જે કરીને પોલીસે વધુ તપાસ હાથધરી . આરોપી એક દિવસના 3 હજાર રૂપિયા ચૂકવીને કાર ભાડે લાવ્યો હતો. ઉલ્લેખનીય છે કે હમણા અઠવાડિયા અગાઉ જ અસલાલી પોલીસે દારૂ ભરેલું ગોડાઉન ઝડપાયું હતું. બાતમીને આધારે રેડ કરતાં રૂપિયા 30 લાખનો વિદેશી દારૂની 561 પેટીઓ સહિત 35 લાખનો મુદ્દામાલ જપ્ત કરવામાં આવ્યો હતો.