છોટા ઉદેપુરમાં બોડેલીના પાનેજ ગામે લોકોના ઘરમાં પાણી ઘુસ્યા હતા હાલ ઘરમાં કાદવ કીચડથી પરેશાન છે, લોકો ત્રણ દિવસથી સરકારની મદદની રાહ જોઈ રહ્યા છે.
બોડેલીના પાનેજ ગામે તારાજીના દ્રશ્યો જોવા મળ્યા
લોકોના ઘરમાં પાણી ઉતર્યા પરંતુ કાદવ કીચડ હજુ ત્યાં ને ત્યાં
ત્રણ દિવસથી લોકો સરકારની મદદની રાહ જોઈ રહ્યા છે
વરસાદે કર્યા બેહાલ
ગુજરાતમાં પડી રહેલ વરસાદને લીધે જન જીવન ખોરવાયું છે ત્યારે છોટા ઉદેપુરમાં પણ ઘણો વરસાદ પડ્યો હતો. એ સમયે બોડેલીના પાનેજ ગામે તારાજીના દ્રશ્યો જોવા મળ્યા છે. લોકોના ઘરમાં પાણી ઘૂસી ગયા હતા, ત્યારે લોકો સરકાર પર સવાલો ઉઠાવી રહી છે. લોકોને હજુ સુધી કોઈ પણ પ્રકારની મદદ મળી નથી.
સરકારે સામું પણ નથી જોયું
ત્રણ દિવસથી લોકોના ઘરમાં પાણી ઉતર્યા હતા પરંતુ કાદવ કીચડ ઘરમાં ભરાઈ ગયો છે. ત્યારે લોકો ભગવાન ભરોસે બેઠા છે, ત્રણ દિવસ અગાઉ આવેલ વરસાદના લીધે લોકોના ઘરમાં પાણી અને કાદવ કીચડ ભરાઈ ગયા હતા, ત્યારે આ બધું થયા પછી પણ કોઈ તંત્ર કે સરકાર ત્યાં મદદે પહોચ્યું નહતું. આવા સમયે માનવતા દેખાડીને આસપાસના લોકો આ ગામની મદદે પહોચ્યું હતું. અને લોકોને જમવાનું અને પહેરવા કપડા આપ્યા હતા. ત્યારે સવાલો ઉઠે છે કે શું તંત્ર હજુ પણ ધીમી ગતિએ કામ કરે છે આવી કપરી સ્થિતિમાં ક્યારે મળશે મદદ.
પોતાનો જીવ બચાવવા ઘર છોડવું પડ્યું
લોકો પોતાની જાન બચાવવા ઘર છોડીને સુરક્ષિત જગ્યાએ સહારો લીધો હતો પરંતુ તેમની ઘરવખરી અને સમાન પાલડી ગયો હતો, હવે ઘરોમાં પાણી ઉતરતા લોકો જે પણ સમાન બચ્યો છે તેમને સાચવવાનો પ્રયાસ કરી રહ્યા છે. આ સમયે સરકારે મદદે પહોચવું જોઈએ પરંતુ કોઈ પણ મદદ મળી નહોતી.
લોકોએ વેદના ઠાલવી
ત્યાના લોકો દ્વારા જણાવવાંમાં આવ્યું કે ત્રણ દિવસથી પાણી ઉતરી ગયું છે ત્યારે હવે ઘરોમાં કાદવ અને કીચડ જ વધ્યું છે અમે સરકારની મદદની રાહ જોઈ રહ્યા હતા પરંતુ કોઇપણ પ્રકારની હાલ મદદ મળી નહોતી, ત્યારે હવે અમે લોકો અમારી ઘરવખરી અને બીજું બધું બચાવવા માટે કામે લાગ્યા છીએ. તેઓ કહે છે કે અમે સરકારને અપીલ કરીએ છીએ કે તાત્કાલિક ધોરણે મદદ મળે અને લોકોના ઘર ફરીથી રહેવા લાયક બને.
આજુબાજુના ગામો આવ્યા મદદે
લોકોએ કહ્યું હતું કે આજુબાજુના ગામના લોકો મદદે પહોચ્યા હતા અને જમવાનું પહોચાડ્યું હતું. તેમના ઘરમાં ગંદકીના પહાડો જામી ગયા છે અને લોકો હાલ સાફ સફાઈમાં લાગ્યા હતા ત્યારે માનવતા દેખાડતા લોકો મદદે પહોચ્યા છે.