છોટાઉદેપુર જિલ્લાના નસવાડી તાલુકાની કડુલી મહુડી જૂથ ગ્રામ પંચાયતના તલાટી કમ મંત્રી પોતાના નિવાસસ્થાને પંચાયત સરકારી દસ્તાવેજો રાખતા સવાલો ઉભા થયાં હતા.
જો કે તલાટીની આ કરતૂતનો પર્દાફાશ કરવા માટે Vtvના પ્રતિનીધિ ઘટના સ્થળે પહોંચતા તેઓ ગભરાઇ ગયા હતા અને તેમણે Vtvના બૂમને ઝૂંટવીને ફેંકવાનો પ્રયાસ પણ કર્યો હતો.
ઉલ્લેખનીય છે કે નસવાડી તાલુકાના કાડુલી મહુડી જૂથ ગ્રામ પંચાયતમાં આઠ ગામો આવેલ છે. આઠ ગામના જરૂરી રેકોર્ડસ સાધનિક કાગળો પંચાયતના વહીવટીની ફાઇલો ગ્રામ પંચાયતથી 30 કિલોમીટરના અંતરે આવેલ પોતાના નિવાસસ્થાને રાખી આઠ ગામોનો વહીવટી ચલાવતા તલાટીની કામગીરી સામે અનેક સવાલો ઉભા થયાં હતા.
#ChhotaUdaipur ના કડુલી મહૂડી ગ્રામપંચાયતના તલાટીની દબંગાઈ
સરકારી દસ્તાવેજો ઘરે રાખીને ચલાવે છે કચેરી VTVએ તલાટીની લાલીયાવાડીનો કર્યો પર્દાફાશ પર્દાફાશ થતા ઉશ્કેરાયો તલાટી VTVના કેમેરાને તોડવાનો કર્યો પ્રયાસ
VTVના સંવાદદાતા સાથે કરી ગેરવર્તણૂક pic.twitter.com/1AL8DzpNDe
આ મામલાની જાણ વીટીવીને થતાં તે તલાટીના ઘરે પહોંચ્યું હતું જેને જોઇને તલાટી ગભરાઇ ગયા હતા અને કોઇ જ પ્રકારનું નિવેદન આપવા નનૈયો ભણ્યો હતો. આ સાથે જ વીટીવીના બૂમને પણ ઝૂંટવી લેવાનો પ્રયાસ કર્યો હતો.
આપને જણાવી દઇએ કે પંચાયતના કોઇ કર્મીને કે ગ્રામજનોને કાંઇપણ કામકાજ હોય તો ગ્રામપંચાયતમાં નહીં પરંતુ તલાટીના નિવાસસ્થાને 30 કિલોમીટર સુધી લાંબા થવું પડે છે. જો કે સરકારી ફાઇલોને ઘરે રાખીને અંધેર વહીવટ કરતા આ તલાટી સામે કાયદેસરની કાર્યવાહી કરવા લોકમાંગ ઉઠવા પામી છે.