જૂઓ સરકાર શું આ રીતે ભણશે ગુજરાત ? ચિત્રકામમાં સિદ્ધિ મેળવનાર વિદ્યાર્થી કરી રહ્યો છે મજુરી

રાજ્યસરકાર ગુજરાતમાં શિક્ષણનો વ્યાપ વધે તે માટે અધધ કહી શકાય તેટલી માત્રામાં રૂપિયાની રેલમછેલ કરે છે. ચૂંટણી સમયે ભણશે ગુજરાત આગળ વધશે ગુજરાતના દાવા પણ કરે છે. જોકે આ જ ગુજરાતમાં સર્વ શિક્ષા અભિયાનના ખુલ્લેઆમ ધજાગરા ઉડયા છે. જેને સરકારની કાર્યક્ષમતા સામે સવાલો ઉભા કર્યા છે.

છોટા ઉદેપુરનો આ પરિવાર આજે હિજરત કરવા મજબૂર બન્યો છે. આ બાળકો આર્થિક મજબૂરીને કારણે અભ્યાસ અધ વચ્ચે મુકી મજૂરી કરવા મજબૂર બન્યા છે. વાત છોટા ઉદેયપુર જિલ્લાની છે. ધોરણ ત્રણમાં કાંતિ રાઠવા નામના જે વિદ્યાર્થીએ રાજ્યકક્ષા સ્તરે ચિત્રકામમાં પ્રથમ ક્રમાંક હાશિલ કર્યો હતો.

તે વિદ્યાર્થી આજે અભ્યાસ છોડી પરિવાર માટે મજૂરી કરવા મજબૂર બન્યો છે. વિદ્યાર્થી કાંતિએ જે ચિત્રકામ ધોરણ 3માં કર્યું હતું. તે સમયે રાજ્યસરકારે વિદ્યાર્થીની કાર્યક્ષમતાને બિરદાવી હતી અને વિદ્યાર્થીએ દોરેલા ચિત્રને ગુજરાતના પાઠયપુસ્તકોમાં સમાવેશ કર્યો હતો. ગુજરાત રાજ્ય પુસ્તક મંડળે ધોરણ ત્રણના પાઠય પુસ્તકમાં આ ચિત્રને સ્થાન આપ્યું હતું. જોકે પરિવારની આર્થીક સ્થિતિ સારી ન હોવાને કારણે અને સરકાર તરફથી આવા વિદ્યાર્થીઓને કોઈ સહાય ન મળવાને કારણે વિદ્યાર્થીઓ હિજરત કરવા મજબૂર બન્યા છે. 
 


ઉલ્લેખનીય છે કે એસ.ટીમાં બસ સ્ટેન્ડમાં બસની રાહ જોઈ રહેલા આ પરિવારને તહેવાર મનાવવા પોતાના વતનમાં નથી જઈ રહ્યા. બલકે આ પરિવાર આર્થિક પરિસ્થિતિ સારી ન હોવાને કારણે હિજરત કરવા મજબૂર બન્યા છે. પેટનો ખાડો પુરવા ભણતર છોડીને મજૂરી કરવા મજબૂર બન્યા છે. રાજ્યસરકાર ભલે સર્વ શિક્ષા અભિયાનની વાતો જોરશોરથી કરતી હોય પણ છોટા ઉદેયપુર જિલ્લાની આ નરી વાસ્તવિકતા છે. 

ગુજરાતમાં સર્વ શિક્ષા અભિયાનના જે રીતે ધજાગરા ઉડી રહ્યા છે સરકાર માટે ચિંતાનો વિષય છે. ગરીબીના કારણે વિદ્યાર્થીએ ભણતર છોડવું પડી રહ્યું છે તે ધ્યાન દોરવા જેવી બાબત છે. આદિવાસી વિસ્તારના બાળકો ભણતર માટે ન્યાય માગી રહ્યા છે. પરિવારનો પેટનો ખાડો પુરવા વિદ્યાર્થીઓ શિક્ષણ છોડી રહ્યા છે. છોટા ઉદેપુરમાં વિદ્યાર્થીએ ભણતર છોડી મજૂરી કામ શરૂ કર્યું  છે. જે વિદ્યાર્થીએ રાજ્ય કક્ષાએ ચિત્રકામમાં પ્રથમ ક્રમાંક મેળવ્યો હતો. તે વિદ્યાર્થીને અભ્યાસ છોડી મજૂરી કરવી પડે તે શર્મની વાત સમાન છે.

હોશિયાર વિદ્યાર્થીઓની વેદના અને સ્થાનિકોની પીડાને ને જોઈ વીટીવીએ રાજ્યસરકાર સામે કેટલાક સવાલો ઉભા કર્યા છે. તેને ધ્યાનમાં લેવા પણ એટલા જ જરૂરી છે. જાગો સરકાર જાગો .હોશિયાર વિદ્યાર્થીઓ કેમ કરી રહ્યા છે હિજરત ? સર્વ શિક્ષા અભિયાનના કેમ થઈ રહ્યા છે ધજાગરા ? બાળકો અભ્યાસ છોડવા કેમ બન્યા મજબૂર ? શું આ રીતે વિદ્યાર્થીઓનું બનશે ભવિષ્ય ?

શું આ રીતે ભણશે ગુજરાત ? શું અન્ય રાજ્યોને આવા શિક્ષણના આપશો દાખલા ? શિક્ષણમંત્રી તમારા રાજમાં કેમ આવું  ? શિક્ષણનો પ્રચાર શું ખોટી દિશામાં થઈ રહ્યો છે ? કરોડોના ખર્ચાઓ પોકળ સાબિત કેમ થઈ રહ્યા છે ? શું માર્કેટિંગ માટે થાય છે શિક્ષણનો પ્રચાર ?