રાજ્યમાં પ્રાથમિક શાળાઓમાં અભ્યાસ કરતા બાળકો માટે રાજ્ય સરકાર દ્વારા દૂધ સંજીવની યોજના શરૂ કરાઇ છે. પરંતુ છોટાઉદેપુર જિલ્લાના નસવાડી તાલુકાના કોયારી અન મોટીઝરી ગામમાં આ યોજના હજુ પહોંચી નથી તેવું લાગી રહ્યું છે. કોયારી પ્રાથમિક શાળા અને મોટીઝરી શાળાઓમાં સરકારની દૂધ સંજીવની યોજનાઓ દ્વારા આપવામાં આવતું દૂધ પૂરતા પ્રમાણમાં નથી આપવામાં આવતું અને આવે છે તે પણ અનિયમિત આવે છે. પ્રાથમિક શાળાનું સત્ર શરૂ થયું ત્યારથી માત્ર 3 દિવસ જ દૂધ આવામાં આવ્યું છે. જ્યારે મોટીઝરી ગામ પ્રાથમિક શાળામાં પણ અનિયમિત દૂધ આપવામાં આવે છે જેને લઇ અનેક વાર રજૂઆત કરી છે છતા પણ કોઇ સાંભળતું નથી.