લોકસભા જીતવા રાહુલ ગાંધીએ કરી અત્યાર સુધીની સૌથી મોટી જાહેરાત મોદી-શાહનું ટેન્શન વધશે

દેવાંમાફીને સહારે છત્તીસગઢની સત્તામાં 15 વર્ષે પરત કોંગ્રેસ ખેડૂતોને પોતાનો સાથ મજબૂતીથી જોડી રાખવા ઇચ્છે છે. કોંગ્રેસની સરકાર બન્યાં બાદ પાર્ટી અધ્યક્ષ રાહુલ ગાંધી સોમવારનાં રોજ પહેલી વાર પ્રદેશની મુલાકાત પર પહોંચ્યાં અને ખેડૂતોને સંબોધિત કર્યા.

અહીંયાં રાહુલ 'ખેડૂત આભાર સંમેલન'ને સંબોધિત કર્યું અને એક મોટી જાહેરાત કરી. તેઓએ જણાવ્યું કે કોંગ્રેસ પાર્ટીએ એક ઐતિહાસિક નિર્ણય લીધો છે. 2019 ચૂંટણી જીત્યાં બાદ કોંગ્રેસ પાર્ટી દરેક ગરીબ વ્યક્તિને ગેરંટી તરીકે સામાન્ય વેતન આપશે. એ અમારો વાયદો છે.

કોંગ્રેસ અધ્યક્ષ રાહુલ ગાંધીએ જણાવ્યું કે 'જ્યારે અમે વિપક્ષમાં હતાં ત્યારે અમે ખેડૂતોનાં દેવાંમાફીની વાત કરતા હતાં અને સરકારને પૂછતા હતાં તો સરકાર કહેતી હતી કે અમારી પાસે પૈસા નથી. અમે આ કામ નહીં કરી શકીએ.' તેઓએ કહ્યું કે 'હિંદુસ્તાનનાં ચોકીદાર પાસે છત્તીસગઢનાં ખેડૂતો માટે 6000 કરોડ રૂપિયા નથી પરંતુ અનિલ અંબાણીને માટે 30 000 કરોડ રૂપિયા છે. મેહુલ ચોક્સી પૈસા લઇને ભાગી શકે પરંતુ ખેડૂતો માટે કેન્દ્ર સરકાર પાસે પૈસા નથી.'

રાહુલ ગાંધીએ જણાવ્યું કે 'શું કારણ છે કે ખેડૂત પોતાનાં પૈસા વીમા કંપનીને આપે છે અને જરૂરિયાત પડવા પર તેઓને પોતાનાં જ પૈસા નથી મળતાં. પૂરો ફાયદો અનિલ અંબાણીની કંપનીને ફાળે જાય છે. જેમ કે કોંગ્રેસ પાર્ટીએ મનરેગામાં 100 દિવસની રોજગાર ગેરંટી કરીને આપી સૂચનાનાં અધિકારમાં ગેરંટીથી બ્યૂરોક્રેસીનાં દરવાજા ખોલ્યાં ભોજનનો અધિકાર ગેરંટી કરીને આપ્યો તે જ રીતે સામાન્ય વેતનની ગેરંટી પણ હશે.'

લોકસભા ચૂંટણી પહેલા કોંગ્રેસ અધ્યક્ષે મોટી જાહેરાત કરતા જણાવ્યું કે કોંગ્રેસ પાર્ટીએ એક ઐતિહાસિક નિર્ણય કર્યો છે કે 2019ની ચૂંટણી જીતવા માટે કોંગ્રેસ પાર્ટી ગેરંટી સાથે સામાન્ય વેતન આપવા જઇ રહી છે.

બાદમાં રાહુલ ગાંધીએ ટ્વિટ કરીને જણાવ્યું અને કહ્યું કે અમારા કરોડો ભાઇ-બહેન જો ગરીબી ભોગવશે તો આપણે એક નવું ભારત નહીં બનાવી શકીએ. જો કોંગ્રેસ 2019માં સત્તામાં આવે છે તો અમે પ્રત્યેક ગરીબ વ્યક્તિને સામાન્ય વેતન આપવા માટે પ્રતિબદ્ધ થશે જેથી ગરીબી અને ભૂખમરી સામે ઝઝૂમી શકાય. આ જ અમારો દ્રષ્ટીકોણ અને વાયદો છે.