થોડી તો શરમ કરો! / કોરોના સંકટ વચ્ચે બાર ડાન્સર સાથે ઠુમકા લગાવતા જોવા મળ્યા આ મંત્રી, VIDEO વાયરલ

• છત્તીસગઢના મંત્રીનો વીડિયો થયો વાયરલ
• બાર ડાન્સર સાથે લગાવી રહ્યા હતા ઠુમકા 
• મંત્રીએ નહોંતુ પહેર્યું માસ્ક નહોતુ રાખ્યું સોશિયલ ડિસ્ટન્સ

ઉલ્લેખનીય છે કે, છત્તીસગઢનો એક વીડિયો સોશિયલ મીડિયામાં વાયરલ થયો હતો જેમાં કોંગ્રેસના ધારાસભ્ય અને રાજ્યકક્ષાના મંત્રી પોતાના પદની ગરમીનું હનન કરતા હોય તે રીતે ડાન્સર્સ સાથે ઠુમકાઓ લગાવતા જોવા મળ્યા હતા. 

વીડિયો થયો વાયરલ 

આ વીડિયો છત્તીસગઢના ભરતપુર-સોનહાટના કોંગ્રેસના ધારાસભ્ય અને રાજ્યમંત્રી ગુલાબ કમરોનો છે, જે સોશિયલ મીડિયા પર વાયરલ થઈ રહ્યો છે. વીડિયોમાં મંત્રી ડાન્સ ગર્લ્સ સાથે જોરદાર ડાન્સ કરતા જોવા મળી રહ્યા છે. મંત્રીએ આ પદની ગરમીના તો ધજાગરા ઉડાડ્યા પરંતુ કોરોનાના બચાવ માટેની માર્ગદર્શિકાના પણ ધજાગરા ઉડાવ્યા હતા. ન તો મંત્રીએ માસ્ક પહેર્યું હતું કે ન તો ડાન્સ કરનાર યુવતીએ માસ્ક પહેર્યું હતું. વીડિયોમાં મંત્રી પણ ડાન્સર્સ પર પૈસા ઉડાવતા નજરે પડે છે.

Chhattisgarh minister Gulab Kamro was seen dancing on stage at an event, a person is also seen showering notes on the @INCChhattisgarh minister from Bharatpur-Sonhat Constituency,The #COVIDー19 protocols were also flouted during the event @BJP4CGState #Corona pic.twitter.com/QDIICnOVR3

— Anurag Dwary (@Anurag_Dwary) December 3, 2020

વેક્સિન પર મુખ્યમંત્રીએ લખ્યો પત્ર 

આપને જણાવી દઇએ કે, કોરોના વાયરસ સંક્રમણને કારણે લોકોને સતત માસ્ક પહેરવા અને સોશિયલ ડિસ્ટન્સિંગના નિયમોનું પાલન કરવા માટેની સલાહ આપવામાં આવી રહી છે. તો વળી કેટલાક રાજ્યોમાં જાહેર સ્થળોએ માસ્ક ન પહેરનારને દંડની જોગવાઈ કરવામાં આવી છે. એક દિવસ અગાઉ છત્તીસગઢના મુખ્યમંત્રી ભુપેશ બઘેલે વડા પ્રધાન નરેન્દ્ર મોદીને પત્ર લખીને તેમના રાજ્યને અગ્રતા ધોરણે મફત કોરોના રસી પૂરી પાડવાની માંગ કરી હતી.