પત્નીના માનસિક ત્રાસનો ભોગ બનેલા પતિને મોટી રાહત આપતા છત્તીસગઢ હાઈકોર્ટે તેના છૂટાછેડાની અરજી મંજૂર રાખી દીધી છે.
પત્નીના માનસિક ત્રાસનો ભોગ બનેલા પતિને હાઈકોર્ટની મોટી રાહત
છૂટાછેડા વિરૃ઼દ્ધની પત્નીની અરજી ફગાવી દીધી
પત્ની ઓફિસમાં જઈને પતિને કરી હતી તંગ
આડાસંબંધોનો આરોપ મૂકીને કરતી હતી બેઈજ્જત
આડાસંબંધોની આશંકાએ ઓફિસમાં જઈને પતિને બધાની હાજરીમાં બેઈજ્જત કરીને તેને પરેશાન કરી મૂકવો પણ માનસિક ક્રૂરતા ગણી શકાય છે અને આ ક્રૂરતા તલાકનો આધાર બની શકે છે તેવું છત્તીસગઢ હાઈકોર્ટે તેના એક ચુકાદામાં ટાંક્યું છે. પત્નીના માનસિક ત્રાસથી તંગ આવેલા પતિએ ફેમિલી કોર્ટમાં છૂટાછેડાની અરજી મૂકી હતી. ફેમિલી કોર્ટને પતિની અરજીમાં દમ લાગ્યો અને તેના છૂટાછેડા મંજૂર કરી લીધા પરંતુ પત્ની હજુ પણ પતિને છોડવા માગતી નહોતી તેથી તે ફેમિલી કોર્ટના ચુકાદાની સામે હાઈકોર્ટ પહોંચી હતી જેની આજે સુનાવણી થઈ હતી. પતિની અરજી પર ફેમિલી કોર્ટે પતિ-પત્ની વચ્ચે અણબનાવનો સ્વીકાર કરતા પતિની છૂટાછેડાની અરજી સ્વીકારી છૂટાછેડાનો નિર્ણય આપ્યો હતો.
ગેરકાયદેસર સંબંધોનો ખોટો આરોપ અને હંગામો ક્રૂરતાની શ્રેણીમાં
આ કેસમાં કોર્ટની ડિવિઝન બેન્ચે આ કેસ સાથે સંકળાયેલા તમામ પાસાઓને ધ્યાનમાં લઇને અને પુરાવાના આધારે પત્નીનું પતિ સાથેનું વર્તન ક્રૂરતા હોવાનું માન્યું હતું. પતિ પર ગેરકાયદેસર સંબંધોનો આરોપ અને હંગામો બધા ક્રૂરતાની શ્રેણીમાં આવે છે. આ કેસમાં હાઈકોર્ટની ડિવિઝન બેંચે પત્નીની અરજી ફગાવી ફેમિલી કોર્ટના નિર્ણયને યોગ્ય ઠેરવ્યો છે.
શું હતી ઘટના
છત્તીસગઢના ધમતારી જિલ્લાના કુરુડના સબ-એન્જિનિયરે 2010માં રાયપુરની એક વિધવા સાથે લગ્ન કર્યા હતા. લગ્ન પછી થોડા વર્ષો સુધી બધું બરાબર ચાલ્યું. આ દરમિયાન તેમને એક બાળક પણ થયું હતું. પરંતુ થોડા જ વર્ષોમાં પતિ-પત્નીના સંબંધોમાં ખટાશ આવવા લાગી. પત્નીએ પતિ પર પરિવારથી અલગ રહેવાનું દબાણ કર્યું અને પતિ દબાણમાં આવીને માતા-પિતાથી અલગ રહેવા લાગ્યો, પરંતુ થોડા સમય બાદ પણ મહિલા પોતાના અધિકારી પતિ પર આરોપ લગાવતી રહી કે તેના એક સહકર્મી સાથે આડાસંબંધ છે. આ મામલે બંને વચ્ચે રોજ વિવાદ થતો હતો.
છૂટાછેડાનું કારણ શું
પત્ની પતિ પર સહકર્મી સાથે અવૈધ સંબંધ હોવાનો આરોપ લગાવીને વારંવાર પતિની ઓફિસે પહોંચી જતી હતી અને દુષ્કર્મ, હંગામો અને અપમાન કરતી હતી. આ કારણે પતિએ ફેમિલી કોર્ટમાં અરજી કરીને છૂટાછેડા લીધા હતા. આ ઉપરાંત પતિના અનૈતિક સંબંધોના આધારે પરિવારને બચાવવા માટે રાજ્યના એક મંત્રીને પણ પતિની બદલી કરવાની વિનંતી કરવામાં આવી હતી. આ તમામ બાબતોથી પરેશાન એન્જિનિયર પતિએ ફેમિલી કોર્ટમાં છૂટાછેડા માટે અરજી કરી હતી અને ફેમિલી કોર્ટમાં છૂટાછેડા સ્વીકારી લીધા હતા.
કોર્ટે શું કહ્યું
છૂટાછેડા વિરુદ્ધ પત્નીની અરજી પર સુનાવણી કરતા કોર્ટે કહ્યું કે અનૈતિક સંબંધના આરોપના આધારે પતિની ટ્રાન્સફરનો દાવો, તેમજ ઓફિસમાં હંગામો મચાવવાના દાવાથી પત્નીની ક્રૂરતા સાબિત થાય છે. આ કેસમાં કોર્ટે છૂટાછેડા મંજૂર કરવાના ફેમિલી કોર્ટના નિર્ણયને માન્ય રાખતાં પત્નીની અરજી ફગાવી દીધી હતી.