એક યુવકે છોકરીનો અવાજ કાઢી અને એક પીટીઆઈ ટીચરને પ્રેમનાં જાળમાં ફસાવ્યાં બાદ 5 લાખથી વધુ રૂપિયા ઠગી લીધા.
યુવકે છોકરીનો અવાજ કાઢી કરી છેત્તરપિંડી
શિક્ષકને પ્રેમમાં ફસાવી ઠગ્યાં 5થી 6 લાખ રૂપિયા
કલમ 420 અંતર્ગત નોંધાયો ગુનો
છત્તીસગઢના જશપુરમાં એક ચોંકાવનારો કિસ્સો સામે આવ્યો છે. અહી યુવકે યુવતીનો અવાજ કાઢીને સરકારી શાળાના પીટીઆઈ શિક્ષકને પ્રેમ જાળમાં ફસાવ્યા હતા. 16 મહિના સુધી તેની સાથે પ્રેમનું નાટક કર્યું અને લગ્નની ઓફર પણ કરી. જ્યારે આરોપીને લાગ્યું કે શિક્ષક તેના પ્રેમની જાળમાં સંપૂર્ણપણે ફસાઈ ગયો છે તો ધીમે-ધીમે આરોપીએ શિક્ષક પાસેથી 5 લાખ 60 હજાર રૂપિયાની છેતરપિંડી કરી હતી.
ગર્લફ્રેન્ડ છોકરી નહીં પણ એક પુરુષ નિકળ્યો
પીડિત શિક્ષિકે જણાવ્યું કે તેણે મળવા બોલાવ્યો હતો. પ્રથમ વખત પોતાની ડ્રીમ ગર્લને મળવા માટે તે ખૂબ જ ઉત્સાહિત હતો. તેના પર તેણે અત્યાર સુધી લાખો રૂપિયાનો ખર્ચ કર્યો હતો. જ્યારે તેને ખબર પડી કે તેની ગર્લફ્રેન્ડ છોકરી નહીં પણ એક પુરુષ છે જેની સાથે તે લાંબા સમયથી વાત કરી રહ્યો હતો ત્યારે તેના પગ નીચેથી જમીન સરકી ગઈ. તેણે તાત્કાલિક પોલીસ સ્ટેશનમાં ફરિયાદ નોંધાવી હતી.
શિક્ષક સહિત ઘણાં લોકોને બ્લેકમેલ કરી છેતર્યા
પોલીસે જણાવ્યું કે પીડિત શિક્ષક વિદ્યાચરણ પૈકરા રાયગઢ જિલ્લાના લૈલુંગા પોલીસ સ્ટેશન વિસ્તારનો રહેવાસી છે. તેણે છેતરપિંડીનો કેસ દાખલ કર્યો છે. તપાસ દરમિયાન પોલીસને ખબર પડી કે વિદ્યાચરણ જેને પોતાની પ્રેમિકા સમજી વાત કરી રહ્યો હતો તે વાસ્તવમાં યુવતી નહીં પણ યુવક હતો. પોલીસે જણાવ્યું કે ડ્રીમ ગર્લ બનીને આરોપીએ શિક્ષક સહિત ઘણા લોકોને બ્લેકમેલ કરીને છેતર્યા છે.
છોકરીનો અવાજ કાઢવામાં હતો એક્સપર્ટ
વિદ્યાચરણ પૈકરાએ પોલીસને તેની ફરિયાદમાં જણાવ્યું કે નવેમ્બર 2021ના રોજ તે ફેસબુક પર તેની મુલાકાત સવિતા પૈકરા નામની યુવતી સાથે થઈ. ત્યારબાદ ફેસબુક મેસેન્જર દ્વારા વાતચીત શરૂ થઈ હતી. ધીમે-ધીમે મિત્રતા ગાઢ થઈ અને તેઓએ એકબીજાના વોટ્સએપ નંબર લીધા હતા. ચેટિંગ દરમિયાન બંને એકબીજાના પ્રેમમાં પડ્યા અને પોતાની લાગણી વ્યક્ત કરી. કથિત સવિતા પૈકરાએ વિદ્યાચરણને જણાવ્યું હતું કે તે પણ ધરમજયગઢ બ્લોકમાં શિક્ષકના પદ પર છે. તે છોકરીના અવાજ કાઢી વાત કરવામાં એટલો માહેર હતો કે તેને ક્યારેય એવું નહોતું લાગ્યું કે તે કોઈ યુવક સાથે વાત કરી રહ્યો છે. બસ આજ રીતે બોલિવૂડની ફિલ્મ ડ્રીમ ગર્લ આયુષ્માન ખુરાના યુવતીનો અવાજ કાઢી લોકોને ફસાવતો હતો.
યુવકે અત્યાર સુધી 5 લાખ 20 રૂપિયા આપ્યા
આ દરમિયાન તે તેની પાસે પૈસા માંગતો રહ્યો અને યુવક અલગ-અલગ માધ્યમોથી પૈસા આપતો રહ્યો. ધીમે ધીમે આમ કરીને અત્યાર સુધીમાં તેણે 5 લાખ 20 રૂપિયા આપ્યા હતા. આ મામલે પોલીસ અધિકારી સંદીપ મિત્તલે જણાવ્યું કે આ મામલો ફરસાબહાર પોલીસ સ્ટેશન વિસ્તારનો છે. પીડિત વિદ્યાચરણે પોલીસ સ્ટેશનમાં ફરિયાદ નોંધાવી છે કે નવેમ્બર 2021માં તેને સવિતા પૈકરા નામે ફેસબુક ફ્રેન્ડ રિક્વેસ્ટ મળી હતી. જે તેણે એક્સેપ્ટ કરી. બાદમાં બંને વચ્ચે મેસેન્જર અને ફોન પર વાતચીત શરૂ થઈ હતી. આરોપીએ તેને યુવતી તરીકે દર્શાવીને 5 લાખથી વધુની છેતરપિંડી કરી હતી. પોલીસે આરોપી વિરુદ્ધ કલમ 420 અને આઈટી એક્ટ હેઠળ કેસ નોંધીને તેની ધરપકડ કરી છે.