યુપી બાદ હવે છત્તીસગઢના દુર્ગમાં પણ ચાલુ બાઈક પર રોમાન્સનો એક વીડિયો વાયરલ થયો છે.
ચાલુ બાઈક પર રોમાન્સની ઘટનાઓ વધી
યુપી બાદ હવે છત્તીસગઢના દૂર્ગમાં સામે આવી ઘટના
કપલે ચાલુ બાઈક પર કર્યો રોમાન્સ
છોકરીએ ટાંકી પર બેસીને છોકરાને કરી કીસ
હજુ થોડા દિવસ પહેલા યુપીના લખનઉમાં એક છોકરો અને છોકરી ચાલુ બાઈકમાં રોમાન્સ કરતા જોવા મળ્યાં હતા હવે આવી બીજી ઘટના છત્તીસગઢના દુર્ગમાં બની છે. અહીં એક કપલની ચાલતી બાઈક પર રોમાન્સનો વીડિયો જોરદાર વાયરલ થઇ રહ્યો છે. આ વીડિયોમાં યુવતી બાઈકની ટાંકી પર બેસીને રસ્તા પર ચાલીને છોકરાને ગળે લગાડતી અને કિસ કરતી જોવા મળી હતી. આ દરમિયાન તેના મિત્રો અન્ય વાહનોમાં પાછળ ચાલી રહ્યા હતા.
નંબર વગરની હાઈ સ્પીડ બ્લેક કલરની બાઈક પર સવાર એક છોકરો છોકરીને લઈને ભીલાઈના જયંતી સ્ટેડિયમ પાછળના રસ્તેથી બહાર આવી ગયો હતો. તેની પાછળ સ્કૂટર અને બાઇક ચાલકો તેને ચાલતા વીડિયો બનાવી રહ્યા હતા. વીડિયોમાં જોઈ શકાય છે કે, બોય અને ગર્લ બાઈકમાં ફિલ્મી સ્ટાઈલમાં રોમાન્સ કરી રહ્યા છે. છોકરીનો ચહેરો છોકરાના જેકેટથી છુપાયેલો હતો. આ દંપતી ટાઉનશીપની શેરીઓમાં રોમાંસ કરતું જોવા મળ્યું હતું. આ કપલ જયંતિ સ્ટેડિયમથી સ્મૃતિ નગર પહોંચ્યું હતું. ગ્લોબ ચોકથી સેક્ટર 8 સુધીના ફ્લાયઓવર દ્વારા નહેરુ નગર ભેલવા નગર તળાવની સામે આ દંપતી થોડીક્ષણો માટે રોકાયું હતું. આ પછી તે સ્મૃતિ નગરની એક રેસ્ટોરન્ટમાં ગયું હતું.
ચાલુ બાઈક પર રોમાન્સ કરવો જીવલેણ નીવડી શકે છે
દુર્ગ એસપી ડો.અભિષેક પલ્લવે આદેશ આપ્યો હતો કે જો કોઈ હેલ્મેટ અને સીટ બેલ્ટ વિના વાહન ચલાવતું જોવા મળશે તો કડક કાર્યવાહી કરવામાં આવશે. પરંતુ આ કપલ ખુલ્લેઆમ ટ્રાફિકના નિયમોનું ઉલ્લંઘન કરતું જોવા મળ્યું હતું. લોકોએ જણાવ્યું હતું કે, રસ્તા પર આવી બેશરમ રીતે રોમાન્સ કરવો જીવલેણ નીવડી શકે છે એટલું જ નહીં, તે ટ્રાફિકના નિયમોનું પણ છડેચોક ઉલ્લંઘન છે. વળી સામાજિક રીતે પણ આ બાબત શરમજનક છે. રસ્તા પર ખુલ્લેઆમ આવા કૃત્યો બાળકોને પણ અસર કરશે. એક પોલીસ અધિકારીના જણાવ્યા અનુસાર આ કેસ આઈપીસીની કલમ 279 એટલે કે ખતરનાક ડ્રાઈવિંગ સાથે જોડાયેલો છે.