નવી દિલ્હીઃ રાજસ્થાન મધ્ય પ્રદેશ અને છત્તીસગઢમાં કોંગ્રેસની જીત બાદ આજે નવા મુખ્યમંત્રીઓના શપથ ગ્રહણનો દિવસ રહ્યો. સૌથી પહેલા રાજસ્થાનના સીએમના રૂપમાં અશોક ગેહલોત અને તેમની સાથે નાયબ મુખ્યમંત્રીના રૂપમાં સચિન પાયલટે શપથ ગ્રહણ કર્યા. ત્યાર બાદ મધ્ય પ્રદેશના મુખ્યમંત્રીની જવાબદારી કમલનાથે સંભાળી હતી. ભૂપેશ સિંહ બધેલે છત્તીસગઢની સીએમ પદના શપથ લીધા છે. ત્યારે રાજ્યના ત્રીજા મુખ્યમંત્રી બન્યા.
ભૂપેશસિંહ બધેલે સીએમ પદના શપથ લીધા
ભૂપેશસિંહ બધેલે છત્તીસગઢના મુખ્યમંત્રી પદના શપથ લીધા છે. રાજ્યપાલ આનંદીબેન પટેલે શપથ લેવડાવ્યા. ત્યારે ટીએસ સિંહ દેવ અને તામ્રધ્વજ સાહૂએ મંત્રી પદના શપથ લીધા છે.
રાયપુરમાં ભૂપેશ સિંહ બધેલના શપથ ગ્રહણ સમારોહ
રાયપુરનો શપથ ગ્રહણ સમારોહમાં દિગ્ગજ નેતાઓ હાજર રહ્યા હતા. મંચ પર કોંગ્રેસ અધ્યક્ષ રાહુલ ગાંધી પૂર્વ પીએમ મનમોહનસિંહ જમ્મૂ કાશ્મીરના પૂર્વ સીએમ ફારૂક અબ્દુલ્લા સહિત કેટલાક દિગ્ગજ નેતાઓ હાજર રહ્યા હતા.
મંચ પર પૂર્વ સીએમ રમન સિંહ પણ હાજર
રાયપુરમાં થોડી વારમાં ભૂપેશ બધેલના શપથ ગ્રહણ સમારોહમાં છત્તીસગઢના પૂર્વ સીએમ રમન સિંહ પણ હાજર રહ્યા હતા. તેઓ મંચ પર હાજર છે. તેમની સાથે કોંગ્રેસના વરિષ્ઠ નેતા મોતીલાલ વોરા પણ હાજર રહ્યા હતા.