છત્તીસગઢના મુખ્યમંત્રી ભૂપેશ બઘેલ શનિવારે એક કાર્યક્રમમાં પાર્ટીના કાર્યકર્તાઓને સંબોધિત કરતા રડી પડ્યા હતા. પ્રદેશ કોંગ્રેસ કાર્યાલય રાજીવ ભવનમાં થયેલ આ કાર્યક્રમમાં રાજ્યના નવા પ્રદેશ અધ્યક્ષ મોહન મરકામને જવાબદારી સોંપતા કોંગ્રેસના સંઘર્ષને યાદ કરી રહ્યા હતા.
બઘેલના મુખ્યમંત્રી બન્યા બાદ પ્રદેશ કોંગ્રેસ કમિટીના અધ્યક્ષ પદ માટે યોગ્ય નેતાની શોધ કરવામાં આવી રહી હતી. બઘેલે પ્રદેશ અધ્યક્ષનો પદભાર 1 જૂન 2014ના રોજ સંભાળ્યો હતો. પદ છોડતા તેમની આંખમાં આંસૂ આવી ગયા હતા.
ભૂપેશ બઘેલે અહીં પાર્ટીના સંઘર્ષ અને કોંગ્રેસ અધ્યક્ષ રાહુલ ગાંધીના નેતૃત્વમાં પાર્ટી કાર્યકર્તાના સંઘર્ષનો ઉલ્લેખ કર્યો હતો. એમણે કહ્યું કે, લોકસભા ચૂંટણી 2014 બાદ કોંગ્રેસના સાથીઓએ સંઘર્ષનો રસ્તો અપનાવ્યો. સચિવ ગિરીશ દેવાંગન વિશે વાત કરતા વધારે ભાવુક થઇ ગયા. બઘેલે કહ્યું કે અમે અમારા ઘોષણાપત્રમાં સામેલ કેટલાક વચન પૂર્ણ કર્યા છે. અને આવનાર સમયમાં બાકી વચનો પણ પૂર્ણ કરવામાં આવશે. આ દરમિયાન કાર્યક્રમમાં હાજર કાર્યકર્તાઓએ કોંગ્રેસ પાર્ટી જિંદાબાદના નારા લગાવ્યા.
छ्त्तीसगढ़ के मुख्यमंत्री भूपेश बघेल कार्यकर्ताओं को संबोधित करने के दौरान रो पडे़। यह कार्यक्रम नए पीसीसी चीफ मोहन मरकाम के पदभार ग्रहण के लिए आयोजित किया गया था। सीएम भूपेश बघेल अपने कार्यकाल और पार्टी कार्यकर्ताओं के संघर्ष को याद करते हुए रो पड़े। @abpnewshindipic.twitter.com/iqm7rwN7vc
નવા પ્રદેશ અધ્યક્ષ મરકામે કહ્યું કે પાર્ટી માટે કામ કરવાની તેમની રીત અલગ રહેશે. હું કોંગ્રેસને આવનાર 15 વર્ષ માટે કેવી રીતે સત્તામાં રાખી શકાય તેના પર ફોકસ કરીશ. મુખ્યમંત્રી બઘેલનો પ્રદેશ અધ્યક્ષ તરીકેનો કાર્યકાળ યાદ આવશે. મરકામને શુક્રવારે (28 જૂન 2019) પાર્ટીના અધ્યક્ષ પદની જવાબદારી સોંપવામાં આવી છે. મોહન મરકામ કોંડાગામથી ધારાસભ્ય છે. અને તે બીજીવાર ચૂંટણી જીતી વિધાનસભામાં પહોંચ્યા છે.