આશિકી / પ્રેમીને બચાવવા માટે ઢાલ બનીને ઊભી રહી ગઈ પ્રેમિકા, પતિને મંગળસૂત્ર પકડાવી પ્રેમી સાથે ઉપડી ગઈ

• પ્રેમીને બચાવવા માટે પત્ની ઢાલ બની ગઈ
• પરિવારના લોકોની હાજરીમાં પ્રેમીને બચાવ્યા
• પતિને મંગળસૂત્ર પકડાવી પ્રેમી સાથે ઉપડી ગઈ

છત્તીસગઢના કાંકેરમાંથી પતિ-પત્ની અને વો જેવી ફિલ્મી કહાની સામે આવી છે. અહીં એક પ્રેમિકા પોતાના પતિ પાસેથી પ્રેમીને બચાવવા માટે થઈને ઢાલ બનીને સામે આવીને ઉભી રહી હતી. પ્રેમિકાના તેવર જોતા પરિવારના લોકોએ હાર માની લીધી હતી. આખરે પ્રેમિકાની જીત થઈ અને તે પોતાના પ્રેમી સાથે ચાલી ગઈ હતી.આ આખો ફેમિલી ડ્રામા પોલીસ સ્ટેશનમાં થયો હતો.

6 ફેબ્રુઆરી થયા હતા લગ્ન

પ્રાપ્ત વિગતો અનુસાર દંતેવાડાની રહેવાસી આરતી સહારે બસ્તરના વિકાસ ગુપ્તા સાથે પ્રેમ કરતી હતી. તે લગ્ન પણ તેની સાથે કરવા માગતી હતી. પણ પરિવારના લોકોએ આરતીના લગ્ન મહારાષ્ટ્રના એક યુવક સાથે નક્કી કકરી નાખ્યા. છ ફેબ્રુઆરીએ બંનેના લગ્ન થયા હતા. આગામી દિવસે આરતી પોતાના પતિ સાથે વિદાઈ પણ થઈ. પણ ત્યાર બાદ વાર્તમાં નવો મોડ આવ્યો અને પ્રેમીની એન્ટ્રી થઈ.

સાસરિયે પહોંચતા જ ફરાર થઈ ગઈ 

છ ફેબ્રુઆરીએ લગ્ન બાદ આરતી પોતાના પ્રેમી વિકાસ સાથે ફરાર થઈ ગઈ હતી. તેની સૂચના પોલીસને પણ આપવામાં આવી હતી. કાંકેર પોલીસે બંનેને સાત ફેબ્રુઆરીએ પકડી લીધા અને પોલીસ સ્ટેશનમાં લાવવામાં આવ્યા. 8 ફેબ્રુઆરી સુધી આ મામલો રોડથી લઈને પોલીસ સ્ટેશન અને ફેમિલીમાં ડ્રામા ચાલતો રહ્યો. આરતી પોતાના પ્રેમી વિકાસ સાથે રહેવાની જીદ પકડીને અડગ રહી હતી. આખરે પોલીસે તેને તેના પરિવારના લોકોને સોંપી દીધી હતી. આ તમામની વચ્ચે પોલીસે પ્રેમી વિકાસને પણ છોડી મુક્યો હતો. મામલાનું સમાધાન કરવા માટે આરતી સ્ટેશન બહાર આવી અને જોયું તો પતિના પરિવારના લોકો તેના પ્રેમીને ઘેરીને ઉભા હતા.

આરતીના તેવર જોઈને ઢીલા પડ્યા

આરતીએ જેવું વિકાસને ઘેરાયેલો જોયો, તો પરિવારના લોકોની સામે આવી ગઈ. તેના તેવર જોતા પરિવારાના લોકો ઢીલા પડી ગયા હતા. આખરે તે પાછા હટી ગયા. સાથે પત્નીએ પોતાના પતિને મંગળસૂત્ર પણ પાછું આપી દીધું.