બિહારમાં ચૂંટણી માથે છે ત્યારે ભાજપના એક ધારાસભ્યનો વીડિયો વાયરલ થઇ રહ્યો છે જેમાં ગ્રામજનો તેમનો ભારે વિરોધ કરી રહ્યા છે.
બિહારમાં ચૂંટણી માટે બધી પાર્ટીઓનો ભારે પ્રચાર
નૈની ગામમાં ભાજપના ધારાસભ્યનો થયો વિરોધ
પાંચ વર્ષે પછી ગામમાં આવ્યા હોવાનો ગ્રામીણોનો આરોપ
બિહારમાં વિધાનસભા ચૂંટણી થવા જઈ રહી છે અને હાલમાં પ્રચંડ પ્રચાર કરવામાં આવી રહ્યા છે. બધા નેતાઓ પોતપોતાન ક્ષેત્રમાં કમરતોડ મહેનત કરી રહ્યા છે અને વોટ માંગી રહ્યા છે. ત્યારે આ વખતે લાગી રહ્યું છે કે જનતા લોભી નેતાઓને સબક શીખવાડી દેવાના મૂડમાં છે.
હાલમાં જ છપરાના નૈની ગામથી ઘટના સામે આવી રહી છે જેને લઈને સોશ્યલ મીડિયામાં વીડિયો પણ વાયરલ થઇ રહ્યો છે. આ વીડિયો સ્થાનિક ભાજપ ધારાસભ્ય ડૉ. સીએન ગુપ્તાનો છે. જેમાં નેતા વોટ માંગવા આવ્યા હતા, જેવા તે ગામમાં પહોંચે છે ગ્રામીણો ગુસ્સે લાલઘૂમ થઇ જાય અને વિરોધમાં નારાબાજી પણ કરવામાં આવે છે.
સ્થાનિક મતદારોનું કહેવું છે કે પાંચ વર્ષમાં આ ધારાસભ્યએ ગામમાં આવવું જરૂરી ન સમજ્યું અને કોઈ કામ પણ ન કર્યું. સ્થાનિકોએ ધારાસભ્યની તખ્તીને લઈને પણ વિરોધ કર્યો.
સ્થાનિકોનું કહેવું છે કે તેમના કાર્યાલયમાં અમુક લોકોની જ બોલબાલા છે અને બાકી લોકોને કોઈ ગાંઠતું નથી અને ધારાસભ્ય પણ લોકોની સમસ્યાની અનદેખી કરે છે. ધારાસભ્ય પણ લોકોની વાતોને ચુપચાપ સાંભળતા દેખાયા અને તે લોકોને સમજાવવા પ્રયત્ન પણ કરી રહ્યા હતા પણ ગુસ્સે ભરાયેલા લોકોએ નેતાજીની વાત ન સાંભળી.