ચેતેશ્વર પુજારા ઇંગ્લેન્ડમાં રમી રહ્યા છે કાઉન્ટી ક્રિકેટ
સતત ત્રીજી મેચમાં ફટકારી સદી
IPL 2022 મેગા ઓક્શનમાં તેમના પર બોલી લગાવવામાં નહોતી આવી
ચેતેશ્વર પુજારા ઇંગ્લેન્ડમાં રમી રહ્યા છે કાઉન્ટી ક્રિકેટ
ગુજરાતનાં ખેલાડી ચેતેશ્વર પુજારાએ એક વાર ફરી શાનદાર ફોર્મ મેળવી લીધી છે. ઇંગ્લેન્ડમાં ચાલી રહેલ કાઉન્ટી ક્રિકેટમાં તેમણે સતત ત્રીજી મેચમાં સદી ફટકારી. તેમણે 3 સદી 15 દિવસની અંદર ફટકારી છે. આ દરમિયાન, તેમણે એક મેચમાં ડબલ સદી ફટકારીને ટીમની હારને ટાળી હતી. પુજારાને ગત દિવસો ખરાબ પ્રદર્શનને કારણે ભારતની ટેસ્ટ ટીમથી બહાર કરવામાં આવ્યા હતા. ત્યાર બાદ IPL 2022નાં મેગા ઓક્શનમાં તેમના પર કોઈ ટીમએ બોલી ન લગાવી. ત્યાર બાદ પુજારાએ કાઉન્ટી ક્રિકેટ રમવાનો નિર્ણય લીધો.
"This particular hundred is special for me, doing it in a home game in front of a home crowd." 💫
ચેતેશ્વર પુજારાની સદીનાં સહારે સસેક્સે ડરહમ સામે પકડ મેળવી લીધી છે. 4 દિવસીય મેચનાં બીજા દિવસે શુક્રવારે સસેક્સે પહેલા જ દાવમાં 99 ઓવરમાં 5 વિકેટ પર 350 રન બનાવી લીધા હતા. ડરહમે પહેલા જ દાવમાં 223 રન બનાવ્યા હતા. આ પ્રકારે તેઓ 127 રનથી આગળ હતા. ચેતેશ્વર પુજારાએ 186 બોલ પર 121 રન બનાવ્યા હતા.
ફર્સ્ટ ક્લાસ કરિયરની 53મી સદી
34 વર્ષનાં ચેતેશ્વર પુજારાની આ ફર્સ્ટ ક્લાસ કરિયરની 53મી સદી છે. આ પહેલા તેમણે ડર્બીશાયર સામે 201 જ્યારે વાર્વિકશાયર સામે 109 રન બનાવ્યા હતા. તેઓ આ મુકાબલા પહેલા ફર્સ્ટ ક્લાસનાં 228 મેચમાં 51ની સરેરાશે 17276 રન બનાવી ચુક્યા છે. 52 સદી અને 70 આદ્ધી સદી તેમણે ફટકારી હતી. એટલે કે તેમણે 123મી વાર 50થી વધારે રન બનાવ્યા છે. 352 રન તેમનો સૌથી વધારે સ્કોર રહ્યો છે.
ટેસ્ટ ક્રિકેટમાં ચેતેશ્વર પુજારાએ ઓવરઓલ સારું પ્રદર્શન કર્યું છે. તેઓ 95 મેચમાં 44 રનની સરેરાશે 6713 રન બનાવી ચુક્યા છે. 18 સદી અને 32 અડધી સદી તેમણે ફટકારી છે. એટલે કે 50 વાર 50થી વધારે રન તેમણે બનાવ્યા છે. 204 રન તેમનો સૌથી મોટો સ્કોર છે. આ સાથે જ એક વાર ફરી ટેસ્ટ ટીમમાં પુજારાની વાપસી થઇ શકે છે.