પ્રેરણાદાયક સંઘર્ષગાથા / ભાવનગરના આ ફાસ્ટ બોલરને લાગી લોટરી, 4.2 કરોડમાં ખરીદાયો, એક સમયે ટેમ્પો ચલાવતાં પિતાને કોરોનામાં ગુમાવ્યા

• ભાવનગરના લેફ્ટ આર્મ બોલરને 4.2 કરોડ 
• તનના પિતા એક ટેમ્પો ચાલક
• દિલ્હી કેપિટલ્સ દ્વારા રૂ. 4.2 કરોડમાં ખરીદી લેવામાં આવ્યો

ગરના લેફ્ટ આર્મ ફાસ્ટ બોલર ચેતન સાકરિયા, જેની બેઝ પ્રાઇઝ રૂ. 50 લાખ હતી, તેને દિલ્હી કેપિટલ્સ દ્વારા રૂ. 4.2 કરોડમાં ખરીદી લેવામાં આવ્યો હતો.

ફેબ્રુઆરી 2021માં, સાકરિયાને IPLની હરાજીમાં રાજસ્થાન રોયલ્સે 1.2 કરોડમાં ખરીદ્યો હતો. અને હવે તેને આ વખતે કિંમત 4.2 કરોડ મળી છે. 

ભારત માટે પણ કર્યું ડેબ્યૂ 

સાકરિયા ગત સિઝનમાં રાજસ્થાન રોયલ્સ સાથે મેદાનમાં ઉતર્યો હતો અને 14 મેચમાં 14 વિકેટ સાથે સિઝન પૂરી કરી હતી. તે પછી ગયા વર્ષે જુલાઈમાં તેણે ભારત માટે ડેબ્યૂ કર્યું હતું.

ટેમ્પો ચાલકનો દીકરો 

ભાવનગરના મૂળ વરતેજના રહેવાસી અને કાનજીભાઇના પુત્ર ચેતન સાકરિયાને 12 વર્ષની ઉંમરથી ક્રિકેટમાં રસ હતો. માર ખાઈને પણ ક્રિકેટ રમવા જતા ચેતનનું વચ્ચે ક્રિકેટ છૂટી જતા તેના મામા તેના માટે ભગવાન બન્યા અને પાર્ટ ટાઈમ કામ આપીને ક્રિકેટમાં પણ આગળ વધાર્યો. ચેતનના પિતા એક ટેમ્પો ચાલક હતા. જે કોરોનામાં દુનિયા છોડીને જતાં રહ્યા હતા. ત્યાર પછી પણ ચેતને હિંમત રાખીને ક્રિકેટ રમવાનું ચાલુ રાખ્યું હતું.  સામાન્ય ઘરમાંથી આવતા ચેતનને ભાવનગરની ભાવસિંહજી ક્રિકેટ કલબ દ્વારા ફી પણ માફ કરી દેવામાં આવી હતી.

ભાઈના મૃત્યુનાં સમાચાર પરિવારે મોડા આપ્યા 

અગાઉ એક ઘટનામાં ચેતન ડોમેસ્ટિક ક્રિકેટ રમતો હતો ત્યારે તેના ભાઈના આકસ્મિક મોતના સમાચાર તેના ક્રિકેટ પર ખરાબ અસર ન કરે એ માટે છુપાવ્યા હતા. ચેતનની કહાની આજના અનેક યુવાનોને ઇન્સ્પાયર કરે એવી છે. 

કોણ છે ચેતન સાકરિયા 

ભાવનગર જિલ્લાના વરતેજ ગામના સાધારણ આર્થિક પરિસ્થિતિ ધરાવતા સાકરિયા પરિવારનો ચેતન બાળપણથી ક્રિકેટનો જબરો શોખ ધરાવતો હતો. પરંતુ એક તબક્કે આર્થિક સંકડામણથી ક્રિકેટનું સપનું રોળાય જાય તેવા સંજોગો ઊભા થયા હતા. પરંતુ ચેતનના મામા મનસુખભાઇએ પાર્ટ ટાઇમ કામ આપ્યું અને ક્રિકેટ પણ ચાલુ રખાવ્યું. બસ, અહીંથી ચેતને પાછું વળીને જોયું નથી. આખરે તે નેશનલ ટીમમાં પણ સિલેકટ  થયો હતો અને શ્રીલંકા પ્રવાસે ગયેલી ટીમનો સભ્ય બન્યો હતો. 

પિતા સામાન્ય ટેમ્પો ચાલક હતા 

આ વખતે IPL ઓક્શનમાં હોટ પ્રોપર્ટી બન્યો. 22 વર્ષીય ફાસ્ટ બોલરે આ વખતે સૈયદ મુસ્તાક અલી ટ્રોફીમાં 4.90ના ઈકોનોમી રેટથી રન આપતાં 12 વિકેટ લીધી હતી. ચેતનાના પિતા સામાન્ય ટેમ્પો ચાલક હતા. પરંતુ લોકડાઉનના સમયમાં આર્થિક સ્થિતિ કથળતા તેમને આ ટેમ્પો વહેંચીને મજૂરી કામ શરૂ કર્યું હતું. પરંતુ હવે ચેતન આ પરિવાર માટે રાતોરાત આધારસ્થંભ બની ગયો છે.

બોલરોનો દબદબો 

IPL 2022 સીઝન પહેલા બેંગલુરુમાં 12 ફેબ્રુઆરી (શનિવાર)ના રોજ ખેલાડીઓની હરાજી શરૂ થઈ હતી. બે દિવસીય હરાજીના પહેલા દિવસે 10 ખેલાડીઓએ 10 કરોડ કે તેથી વધુની કમાણી કરી હતી. તેમાં દીપક ચાહર, હર્ષલ પટેલ અને ઈશાન કિશન છે. ચહરને તેની ટીમ ચેન્નાઈ સુપર કિંગ્સના કેપ્ટન મહેન્દ્ર સિંહ ધોની કરતા વધુ પૈસા મળશે, જ્યારે ઈશાન કિશને કિંમતના મામલે સ્ટાર ફાસ્ટ બોલર જસપ્રિત બુમરાહને પાછળ છોડી દીધો છે. હર્ષલ પટેલ RCBના રેગ્યુલર ફાસ્ટ બોલર મોહમ્મદ સિરાજ કરતા મોંઘો સાબિત થયો.