IPL 2022માં પોતાની પહેલી જ મેચની પહેલી જ ઓવરમાં ચેતન સાકરીયાએ આરોન ફિંચની વિકેટ લીધી અને ત્યાર બાદ એવું સેલિબ્રેશન કર્યું કે સોશિયલ મીડિયા પર વીડિયો વાયરલ થઇ રહ્યો છે.
રાજસ્થાન રોયલ્સ માટે ગયા વર્ષે બધી 14 મેચ રમનાર ભાવનગરમાં જન્મેલા ચેતન સાકરીયાને આ વર્ષે દિલ્હી કેપિટલ્સે ખરીદ્યા હતા. તેઓ ભારત માટે પણ બે ટી20 અને એક વન ડે મેચ રમી ચુક્યા છે, પરંતુ આ સીઝનમાં IPLમાં રમવાનો મોકો નહોતો મળી રહ્યો. આ ભૂલને ગુરુવારે રાત્રે દિલ્હીએ સુધારી અને સીઝનની પહેલી જ મેચની પહેલી જ ઓવરમાં સકારીયાએ પોતાની વેલ્યૂ જણાવી દીધી.
Chetan Sakariya picks up his first wicket for the @DelhiCapitals as Aaron Finch is bowled!
પહેલી મેચની પહેલી જ ઓવરમાં વિકેટ
સિઝનમાં દિલ્હી કેપિટલ્સની સાતમી મેચ કોલકાતા નાઈટ રાઈડર્સ સાથે હતી. ટોસ હારીને પહેલા બેટિંગ કરવા ઉતરેલી કેકેઆરને બીજી જ ઓવરમાં ચેતન સાકરીયાએ ઝટકો આપ્યો. આરોન ફિંચ સાત બોલમાં 3 રન બનાવીને ક્લિન બોર્ડ થયા. પોતાની પહેલી જ મેચની પહેલી જ ઓવરમાં વિકેટ મળ્યા બાદ સકારીયા ઘણા ખુશ જોવા મળ્યા.
ગોકૂ સ્ટાઈલમાં કરી વિકેટ સેલિબ્રેટ
આ ખાસ વિકેટની ખુશી ખાસ અંદાજમાં મનાવવામાં આવી. જાપાની એક્શન કાર્ટૂન સીરીઝ Dragon Ball Zનાં કેરેક્ટર ગોકૂની સિગ્નેચર સ્ટાઈલ મેદાન પર કરી બતાવીને આ વિકેટ સેલિબ્રેટ કરવામાં આવી. આ નવી સીઝનમાં સકારીયા નવા પ્રકારે ખુશી મનાવતા જોવા મળ્યા. ગત સીઝન સુધી તેઓ માર્શલ સુપરહીરો સીરીઝનાં બ્લેક પેન્થરની એક્ટિંગ કરતા હતા, પરંતુ હવે પોતાના ફેવરીટ ફૂટબોલર ઓબમેયાંગને કારણે હવે તેમણે પણ પોતાની સેલિબ્રેશન સ્ટીલ ચેન્જ કરી છે.
સેલિબ્રેશન મારા સ્વર્ગીય પિતા માટે હતું
સેલિબ્રેશન વિષે વાત કરતા ચેતન કહે છે કે આ એક ભાવાત્મક સેલિબ્રેશન હતું. આ મારા સ્વર્ગીય પિતા માટે હતું. તેઓ હંમેશા ઈચ્છતા હતા કે હું કોઈ ઇન્ટરનેશનલ બેટ્સમેનને ક્લિન બોલ કરું. તેમણે કહ્યું કે આ સેલિબ્રેશન દ્વારા હું મારા પિતાને કહી રહ્યો હતો કે મેં કરી બતાવ્યું.
ચેતન સાકરીયાનાં આ સેલિબ્રેશને સુનીલ ગાવાસ્કરનું ધ્યાન ખેંચ્યું, જે એ સમયે કોમેન્ટરી બોક્સમાં હતા. તેમણે કહ્યું કે વાહ! એ શું હતું? નવું સેલિબ્રેશન.