દેશમાં ફેલાયેલા કોરોના વાયરસના રોગચાળાને પહોંચી વળવા તમામ લોકો એક થયા છે. બધા તેની શ્રેષ્ઠતા માટે કોરોના સામેની લડતમાં ફાળો આપી રહ્યા છે. આ પ્રયત્નમાં લખનૌની કેજીએમયુ અને અબ્દુલ કલામ ટેક્નોલોજી યુનિવર્સિટી સાથે મળીને આર્ટિફિસિયલ ઈન્ટેલિજન્સની મદદથી એક પ્રોગ્રામ તૈયાર કર્યો છે. જેના દ્વારા માત્ર છાતી અથવા છાતીનો X-Ray જોઈને ખબર પડી જશે કે દર્દી કોરોનાનો ચેપ છે કે નહીં.
દેશમાં કોરોના દર્દીઓની સંખ્યામાં વધારો થઈ રહ્યો છે
એક્સ-રેથી કોરોનાના દર્દીઓને ઓળખી શકાશે
લખનૌમાં મળી ડૉક્ટરોને સફળતા
ઉત્તર પ્રદેશની સૌથી મોટી હોસ્પિટલ કેજીએમયુએ રાજ્યના તમામ જિલ્લાઓમાંથી કોવિડ દર્દીઓના છાતીનાં એક્સ-રે માંગીને આ અંગેનું કામ શરૂ કર્યુ છે. જે ટૂંક સમયમાં ક્લિનિકલ ટ્રાયલ્સમાં જશે. લખનૌના કેજીએમયુએ એક પ્રેસ કોન્ફરન્સમાં આ અંગે માહિતી આપી છે.
પ્રેસ કોન્ફરન્સમાં કહેવામાં આવ્યું હતું કે ચીન અને અમેરિકા પછી કેજીએમયુ ટૂંક સમયમાં એક્સ-રે જોઈને કોવિડ દર્દીઓની ઓળખ કરશે. એક્સ-રેથી ફક્ત કોવિડ દર્દીઓને શોધી કાઢવામાં જ નહીં પરંતુ ફેફસાના ચેપથી દર્દી ક્યારે અને કેટલા સમયમાં સ્વસ્થ થઈ શકે છે તે પણ જાણી શકાશે.
ઉલ્લેખનીય છે કે જ્યારે ચીનમાં રેપિડ ટેસ્ટ ઓછા થઈ રહ્યા હતા. ત્યારે આર્ટિફિશિયલ ઈન્ટેલેજન્સીની આ પદ્ધતિ અસરકારક સાબિત થઈ હતી. આ મોડેલથી યુ.એસ., યુ.કે., ચીન અને અન્ય કેટલાક દેશો પણ કોવિડ -19 દર્દીઓની ઓળખ કરવાનું કામ કરી રહ્યા છે. હવે તેની શરૂઆત ભારતમાં કેજીએમયુથી થવા જઈ રહી છે.
ખન