OMG / કુતરા ભૂખ્યા ન રહે તે માટે આ મહિલાએ સમગ્ર લૉકડાઉનમાં જે કામ કર્યું તે જાણીને આશ્ચર્ય થશે

• લૉકડાઉનમાં લોકો માટે પ્રેરણારૂપ બની ચેન્નઇની મીના 
• એક ટંકનું ભોજન લઇને કુતરાને જમાડ્યા 

ઉલ્લેખનીય છે કે, લૉકડાઉનમાં લોકો ભૂખ્યા રહ્યા, નોકરીઓ ગુમાવી, કિલોમીટર પગપાળા ચાલીને ગયા ત્યારે આ તમામ ઘટના વચ્ચે એક એવી ઘટના સામે આવી છે જેના વિશે આંખો ભરાઇ જશે. ચેન્નઇમાં રહેતી મીનાએ લૉકડાઉન દરમિયાન એક ટંક જ ભોજન લીધું છે. આવું તેણીએ એટલા માટે કર્યું કારણ કે, 13 કુતરાઓ ભૂખ્યા ન રહે. 

લોકોના ઘરે જમવાનું બનાવવાનું કરે છે કામ

મીડિયા સાથેની વાતચીત દરમિયાન તેણે જણાવ્યું હતું કે, તે લોકોના ઘરે જમવાનું બનાવીને પોતાનું ગુજરાન ચલાવે છે. કુતરાઓ સાથે તેને અનોખો લગાવ છે. તેને જ પોતાનો પરિવાર માને છે અને સમગ્ર જીવન તેનું ધ્યાન રાખવામાં જ પસાર કરવાનું ઇચ્છે છે. 

લૉકડાઉન દરમિયાન તેની પાસે ખાણી-પીણીનો પ્રશ્ન થયો હતો અને તેનું કામ પણ ઠપ્પ થઇ ગયું હતું. તો મીનાએ નક્કી કર્યું કે પોતે એક જ વખત ભોજન લેશે અને બીજા ટંકના ભોજનમાંથી કુતરાને ખવડાવશે જેથી તેઓ ભૂખ્યા ન રહે. 

કેટલાક લોકોએ મદદ કરી 

મીનાએ જણાવ્યું કે, તેના કેટલાક માલિકોએ લૉકડાઉન દરમિયાન મદદ કરી હતી. આ સાથે જ એડવાન્સ સેલેરી પણ આપી હતી. તે લોકો જાણતા હતા કે, મીનાના પરિવારમાં 13 કુતરા છે અને તેને ગલીના તમામ કુતરાઓને ખવડાવવાની ટેવ છે.