IPLIN
 

IPL 2022 / દિલ્હી કેપિટલ્સને 91 રને હરાવીને ચેન્નઈ સુપર કિંગ્સે મેળવી મોટી જીત, પોઇન્ટ ટેબલનું ગણિત બન્યું રસપ્રદ

Team VTV 11:47 PM, 08 May 22 | Updated: 11:52 PM, 08 May 22
Follow us
Chennai Super Kings Won by 91 Run delhi capitals ipl 2022

દિલ્હી સામેની આઈપીએલ મેચમાં ચેન્નઈ સુપર કિંગ્સે 91 રને મોટી જીત મેળવી છે. તો MS ધોનીએ 8 બોલમાં 21 રન ફટકારીને બોલરોને બરાબરના ધોઈ નાખ્યા હતા.

  • ચેન્નઈ સુપર કિંગ્સની ધમાકેદાર જીત
  • દિલ્હી કેપિટલ્સને 91 રને હરાવ્યું
  • ધોનીએ માત્ર 8 બોલમાં 21 રન બનાવી નાખ્યા

ઇન્ડિયન પ્રીમિયર લીગ(IPL) 2022માં રવિવાર સાંજે રમાયેલી મેચમાં ચેન્નઈ સુપર કિંગ્સની ધમાકેદાર જીત થઈ છે. ચેન્નઈએ આ મેચમાં પહેલા બેટિંગ કરતા 208 રનનો મોટો સ્કોર બનાવ્યો અને દિલ્હી કેપિટલ્સને 91 રને હરાવ્યું. આ જીત સાથે ભલે ચેન્નઈ સુપર કિંગ્સના પ્લેઑફમાં પહોંચવાના ચાન્સ ઓછા હોય પરંતુ હવે પોઇન્ટ ટેબલનું ગણિત રસપ્રદ બનાવી દીધું છે.

209 રનોના મોટા ટારગેટનો પીછો કરવા ઉતરેલી દિલ્હી કેપિટલ્સ માત્ર 177 રન પર જ ઓલઆઉટ થઇ ગઇ. ચેન્નઈ સુપર કિંગ્સ તરફથી સ્પિનર મોઇન અલીએ 4 ઓવરમાં 13 રન આપીને 3 વિકેટ ઝડપી. મોઇન અલી સિવાય મુકેશ ચૌધરી, ડ્વેન બ્રાવો અને સિમરનજીત સિંહે 2-2 વિકેટ લીધી.

જો દિલ્હી કેપિટલ્સની બેટિંગની વાત કરીએ તો મિચેલ માર્શ 25 રન બનાવીને હાઈ-સ્કોરર રહ્યા, કેપ્ટન ઋષભ પંતે 11 બોલમાં 21 રનોની ઇનિંગ રમી. પરંતુ આ વખતે પણ તેઓ આ સ્કોરને મોટો ન કરી શક્યા. આ આઈપીએલમાં અનેક વખત એવું બન્યું છે કે, ઋષભ પંત સારી શરૂઆત બાદ આઉટ થઇ રહ્યા છે.

ચેન્નઈ સુપર કિંગ્સની ઇનિંગ

ચેન્નઈ સુપર કિંગ્સને આ મેચમાં ફરી એક વખત દમદાર શરૂઆત મળી. ઋતુરાજ ગાયકવાડ અને ડેવૉન કૉન્વેએ સીઝનની બીજી સેન્ચ્યૂરી પાર્ટનરશીપ કરી. આ વખતે બન્નેએ 67 બોલમાં 110 રન બનાવ્યા, જેના કારણે બાદમાં આવેલા બેટ્સમેનોને જબરદસ્ત ઇનિંગ રમવાનો મોકો મળી ગયો.

ધોનીએ 8 બોલમાં 21 રન બનાવ્યા

ડેવૉન કૉન્વેએ 49 બોલમાં 87 રન બનાવ્યા, જ્યારે ઋતુરાજ ગાયકવાડે 33 બોલમાં 41 રનની ઇનિંગ રમી. રવિન્દ્ર જાડેજાની જગ્યાએ ટીમમાં શિવમ દુબેએ પણ 19 બોલમાં 32 રન બનાવ્યા. પરંતુ અંતમાં કેપ્ટન ધોનીએ સામેની ટીમને ધોઇ નાખી અને માત્ર 8 બોલમાં 21 રન બનાવી નાખ્યા.

ટી-20માં પોતાના 6000 રન પૂરા કર્યા

આ ઇનિંગ સાથે મહેન્દ્ર સિંહ ધોનીએ કેપ્ટન તરીકે ટી-20માં પોતાના 6000 રન પૂરા કર્યા છે. આ લિસ્ટમાં વિરાટ કોહલી બાદ હવે તે નંબર-2 પર આવે છે. આ યાદીમાં ટોપ-3 કેપ્ટન ભારતીય ખેલાડીઓ છે.

ટી-20માં કેપ્ટન તરીકે સૌથી વધુ રન (આંતરરાષ્ટ્રીય-લીગ મેચો)

  • વિરાટ કોહલી - 6451 રન
  • એમએસ ધોની - 6013 રન
  • રોહિત શર્મા - 4764 રન
  • એરોન ફિન્ચ - 4603 રન

આઈપીએલમાં ધોનીની કરિયર 

  • કુલ મેચ - 236
  • કુલ રન - 4909 રન
  • એવરેજ - 39.27
IPL 2022 CSK Delhi Capitals આઈપીએલ ચેન્નઈ સુપર કિંગ્સ દિલ્હી કેપિટલ્સ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ