ઇન્ડિયન પ્રીમિયર લીગ (IPL)ની 11મી સિઝન રવિવારે પૂરી થઇ ગઇ. ચેન્નાઇ સુપરકિંગ્સ (CSK) અને સનરાઇઝર્સ હૈદરાબાદ (SRH)ની વચ્ચે રમાયેલી આ મેચમાં ચેન્નાઇની ટીમ ત્રીજી વખત આ ટાઇટલ પોતાના નામે કર્યુ. ચેન્નાઇ સુપરકિંગ્સને આ જીતની સાથે 20 કરોડ રૂપિયાની કેશ પ્રાઇઝ મળી જ્યારે ફાઇનલમાં આવેલી સનરાઇઝર્સ હૈદરાબાદની ટીમને 12.50 કરોડ રૂપિયાનું ઇનામ મળ્યુ. ત્રીજા અને ચોથા સ્થાન પર આવેલી કોલકાતા નાઇટ રાઇડર્સ અને રાજસ્થાન રૉયલ્સને 8.75 કરોડ રૂપિયાનું ઇનામ મળ્યું. ત્યારે ટીમોને અહીંયા સુધી પહોંચડનારા કોચ અને મેન્ટરની સેલરીની વાત કરવામાં આવે તો ન્યૂઝીલેન્ડના પૂર્વ સ્પિનર ડેનિયલ વિટોરી આ મામલામાં સૌથી આગળ છે.
એક મીડિયા રિપોર્ટ્સ અનુસાર વિરન્દ્ર સહેવાગ વીવીએસ લક્ષ્મણ આશિષ નહેરા તથા IPLની વિભિન્ન ફેન્ચાઇઝીઓના કોચની સેલેરીનો ઉલ્લેખ કરવામાં આવ્યો છે. જુઓ IPLમાં કઈ ટીમના કોચને કેટલી રકમ મળી છે..
ગત વર્ષે આશિષ નેહરા ખેલાડી તરીકે સનરાઈઝર્સ હૈદરાબાદમાંથી રમતો હતો. આ વખતે IPL પહેલા તેણે ક્રિકેટમાંથી સંન્યાસ લીધો હતો. આથી વિરાટ કોહલીની કેપ્ટનશીપ હેઠળ RCBની કોચિંગ કરવાની તક મળી હતી. નેહરાજી તરીકે ફેમસ આશીષને 4 કરોડ રૂપિયા જેટલી ફી મળી હતી.
જ્યારે દિલ્હી ડેયરડેવિલ્સના કોચ રિકી પોન્ટિંગને આ વર્ષે ટીમે 3.7 કરોડ રૂપિયા આપ્યા છે. ટીમ ઈન્ડિયાના પૂર્વ કોચ ગેરી કસ્ટર્નને આ સિરીઝમાં આરસીબીએ બેટિંગ કોચ તરીકે પોતાની ટીમમાં એપોઈન્ટ કર્યા હતાં. આ સિઝનમાં ગેરીની કુલ કમાણી 1.5 કરોડ રહી હતી.
શ્રીલંકાના પૂર્વ ઝડપી બોલર લસિથ મલિંગાને મુંબઈ ઈન્ડિયન્સે પોતાની ટીમ માટે બોલિંગ મેન્ટોર તરીકે પસંદ કર્યા હતાં. મુંબઈ ઈન્ડિયન્સે મલિંગાને 1.5 કરોડની ફી ચૂકવી હતી. ન્યૂઝીલેન્ડના ભૂતપૂર્વ કેપ્ટન ગત અનેક સીઝનથી ચેન્નાઈ સુપર કિંગ્સમાં છે. તેમના કોચિંગમાં આ વખતે પણ ટીમે IPLનું ટાઇટલ પોતાના નામે કર્યો છે. સૂત્રોના જણાવ્યાનુસાર ફ્લેમિંગને 3.2 કરોડ રૂપિયાની ફી આપવામાં આવી છે.
પોતાના જમાનાના ટીમ ઇન્ડિયાના વિસ્ફોટક બેટ્સમેન વિરેન્દ્ર સેહવાગ હવે IPLમાં KXIPના કોચ છે. વીરૂ ગત સીઝનમાં પણ આ ફ્રેન્ચાઈઝી સાથે જોડાયેલો હતો. આ વખતે તેને કોચિંગ માટે 3 કરોડ રૂપિયા જેવી ફી આપવામાં આવી હતી. રાજસ્થાન રોયલ્સની ટીમે આ સીઝનમાં IPL ઓક્શનમાં બે ખેલાડીઓની સૌથી ઉંચી બોલી લગાવી હતી. પરંતુ કોચની ફીમાં એટલો ખર્ચ નહોતો કર્યો. રોયલ્સની ટીમના પૂર્વ કેપ્ટન શેન વોર્ને આ વખતે ટીમનું કોચિંગ કર્યું હતું. તેને આ કામ માટે 2.7 કરોડ રૂપિયા મળ્યા હતાં.
શાહરૂખ ખાનની ટીમ કોલકાતા નાઇટ રાઇઝર્સ (KKR)ના કેલિસને 2.5 કરોડ રૂપિયા આપવામાં આવ્યા હતા ટોમ મૂડી અને લક્ષ્મણની કોચિંગમાં આ સીઝનમાં શાનદાર પર્ફોર્મન્સ આપનાર સનરાઈઝર્સની ટીમ ટૂર્નામેન્ટની રનર્સઅપ રહી હતી. મૂડી અને લક્ષ્મણની ફી 2-2 કરોડ રૂપિયા રહી હતી.