ક્રિકેટ / CSKમાં થશે મોટો બદલાવ, ધોનીની ટીમમાંથી બહાર થઇ શકે છે આ વિસ્ફોટક ખેલાડી

• IPLની આગલી સીઝન માટે ટીમો વચ્ચે ખેલાડીઓની રિલીઝ અને રિટેન કરવાની પ્રક્રિયા શરૂ
• ખેલાડીઓને 14 નવેમ્બર સુધી ટ્રેન્ડ કરવામાં આવી શકે છે
• ખેલાડીઓની ફાઇનલ લિસ્ટ આઇપીએલ ગવર્નિંગ કાઉન્સિલ અને બીસીસીઆઇને સોંપવામાં આવશે

એવામાં આઇપીએલની સૌથી સફળ ટીમોમાં ગણવામાં આવતી ચેન્નઇ સુપર કિંગ્સથી મોટા સમાચાર મળ્યા છે. મુંબઇ મિરરના સમાચાર અનુસાર પૂર્વ ભારતીય કેપ્ટન મહેન્દ્ર સિંહ ધોનીની કેપ્ટનશિપ વાળી ચેન્નઇ સુપર કિગ્સ ઇંગ્લેડના વિકેટકીપર બેટ્સમેન સેમ બિલિંગ્સને ટીમમાંથી બહારનો રસ્તો બતાવ્યો છે. 

સેમ બિલિંગ્સને ટીમ દ્વારા ટ્રેડના અંતિમ દિવસે રિલીઝ કરવામાં આવી શકે છે. વર્ષ 2017 દરમિયાન સેમ બિલિંગ્સ અને ધોનીએ પંજાબ વિરુદ્ધ મેચ દરમિયાન ટીમની જીતમાં મહત્વપૂર્ણ ભૂમિકા નિભાવી હતી. 

ત્રણ વારની આઇપીએલ ચેમ્પિયન સુપર કિંગ્સ પોતાની ટીમમાં ખુબજ ઓછો બદલાવ કરે છે. ન્યૂઝીલેન્ડ પ્રવાસ પર ઇંગ્લેન્ડના ટી-20 કેપ્ટન નિયુક્ત કરવામાં આવેલા સેમ બિલિંગ્સ ગત સીઝનમાં પણ વધારે મેચ નહોતા રમી શક્યા. એવામાં ફ્રેન્ચાઇઝીએ આ વખતે તેમને રિલીઝ કરવાનું વધુ સારું માન્યું. બિલિંગ્સનો બહાર થવાનો અર્થ છે કે તે આ વખતે ફરી હરાજીમાં નજર આવશે. પરંતુ તેમનું વર્તમાન પ્રદર્શન દેખતા કદાચ જ કોઇ ટીમ તેમના પર દાવ લગાવવાની હિમ્મત કરશે. તેવામાં બિલિંગ્સ અનસોલ્ડ રહી શકે છે.

આ પહેલા ન્યૂઝીલેન્ડના ફાસ્ટ બોલર ટ્રેન્ટ બોલ્ટ દિલ્હી કેપિટલ્સને 'ટ્રેડિંગ વિન્ડો' દરમિયાન મુંબઇ ઇન્ડિયન્સને સોંપવાનો નિર્ણય કર્યો, જ્યારે  કિંગ્સ ઇલેવન પંજાબએ રાજપૂતને રાજસ્થાન રોયલ્સને આપ્યો. બોલ્ટે 2014માં આઇપીએલ ડેબ્યૂ કર્યું હતું.