ચેન્નઈ સુપર કિંગ્સની ટીમે IPL 2022 ની ઓપનિંગ મેચ માટે તૈયારીનો ધમધમાટ શરૂ કરી દીધો છે. 26 માર્ચે ચેન્નઈ સુપર કિંગ્સ અને કોલકત્તા નાઈડર્સ વચ્ચે મુકાબલો થશે.
CSKએ IPL 2022 ની ઓપનિંગ મેચ માટે તૈયારીનો ધમધમાટ શરૂ કર્યો
સીએસકેના કેપ્ટન એમએસ ધોનીનો એક વીડિયો થયો વાયરલ
જાણો, ધોનીના જીવનમાં કોણ છે નંબર-1
ધોનીનો એક વીડિયો થયો વાયરલ
આઈપીએલની સૌથી સફળ ટીમોમાંથી એક છે અને તે આઈપીએલ 2022નો ખિતાબ જીતવાની સૌથી મોટી દાવેદાર છે. આઈપીએલ પહેલા સીએસકેના કેપ્ટન એમએસ ધોનીનો એક વીડિયો ઝડપથી વાયરલ થયો છે. આ વીડિયોને જોઈને ક્રિકેટ ચાહકો પોતાનુ હાસ્ક રોકી શક્યા નહીં. ધોની હંમેશા તેની ચતુરાઈ માટે ઓળખાય છે. આ વીડિયોમાં પણ ધોનીએ એક સવાલનો ખૂબ ચતુરાઈપૂર્વક જવાબ આપ્યો છે.
એમએસ ધોનીના જીવનમાં આ છે નંબર-1
ધોની હાલમાં સીએસકેના સ્પોન્સર ઈન્ડિયા સીમેન્ટ્સની એક ઈવેન્ટમાં પહોંચ્યા હતા. અહીં ધોનીને તેના એક પ્રશંસકે એક અંગત સવાલ પૂછ્યો. આ સવાલનો જવાબ સાંભળી ઈવેન્ટમાં ઉપસ્થિત રહેલા સૌ કોઈ હસવા લાગ્યા હતા. ધોનીના એક ચાહકે ધોનીને પૂછ્યુ, બધા લોકો જાણે છે કે તમે નંબર-1 છો. તમે દરેક ફીલ્ડમાં નંબર-1 છો. પરંતુ જ્યારે તમે ઘરે જાઓ છો ત્યારે કોણ નંબર-1 હોય છે. જેના જવાબમાં ધોનીએ કહ્યું, પોતાની આજુબાજુ રહેલા બધા લોકોને જુઓ. દરેક લોકો હસી રહ્યાં છે. કારણકે બધાને ખબર છે કે ઘરમાં ગયા બાદ બીવી નંબર-1 હોય છે. ધોનીનો આ વીડિયો હવે સોશિયલ મીડિયામાં ખૂબ વાયરલ થઇ રહ્યો છે.
સીએસકે મહેન્દ્ર સિંહ ધોનીની આગેવાનીમાં નવી ઉંચાઈઓ સર કરી ચૂક્યુ છે. ધોનીની આગેવાનીમાં ટીમે ચાર વખત આઈપીએલ ખિતાબ જીત્યો છે. તો ધોનીએ શાંત અને ચતુર મગજથી સીએસકે ટીમની ઘણી મેચ જીતાડી છે. ધોની પાસે એવી કલા છે કે તેઓ હારેલી મેચ જીતાડી શકે. આ વખતે પણ ટીમ ખિતાબ જીતવાની પ્રબળ દાવેદાર છે. સીએસકે 2010, 2011, 2018 અને 2021માં આઈપીએલની ચેમ્પિયન બની છે.