ક્રિકેટ / CSK vs MI : ધોનીની કેપ્ટનશીપનો દબદબો યથાવત, ચેન્નઈ સુપર કિંગ્સે મુંબઈને 20 રને આપ્યો પરાજય

• કિંગ્સે મુંબઈ ઈન્ડિયન્સને 20 રનથી હરાવ્યું
• ચેન્નઈ પહેલી બેટિંગ કરીને મુંબઈને આપ્યો 158 રનનો ટાર્ગેટ
• મહેન્દ્ર સિંહ ધોનીનો જોવા મળ્યો દબદબો

CSK એ 20 ઓવરમાં 6 વિકેટે 156 રન બનાવ્યા હતા. 157 રનના લક્ષ્યાંકનો પીછો કરતા મુંબઈ ઈન્ડિયન્સની સમગ્ર ટીમ 8 વિકેટના નુકસાન પર માત્ર 136 રન જ બનાવી શકી હતી. આ જીત સાથે જ મહેન્દ્ર સિંહ ધોનીની CSK પોઈન્ટ ટેબલમાં ટોચ પર પહોંચી ગઈ છે. 

આપને જણાવી દઇએ કે, મુંબઈની શરૂઆત સારી રહી ન હતી. તેણે 40 રનની અંદર 3 વિકેટ ગુમાવી દીધી હતી. ક્વિન્ટન ડી કોક (17), અનમોલપ્રીત સિંહ (16) અને સૂર્યકુમાર યાદવ (3) રન બનાવ્યા બાદ આઉટ થયા હતા. દીપક ચાહરે મુંબઈને શરૂઆતના આંચકા આપ્યા હતા. તેણે પહેલા ડિકોક અને પછી અનમોલપ્રીતને પોતાનો શિકાર બનાવ્યો. ત્યારબાદ સૌરભ તિવારી અને કેપ્ટન પોલાર્ડે મુંબઈની ઇનિંગ સંભાળી હતી. જોકે, તે પણ ટીમની હારને ટાળી શક્યો ન હતો.

ધોનીએ ટોસ જીત્યો, ચેન્નાઈ સુપર કિંગ્સે પ્રથમ બેટિંગ કરી

ચેન્નાઈ સુપર કિંગ્સના કેપ્ટન એમએસ ધોનીએ ટોસ જીતીને પ્રથમ બેટિંગ કરવાનો નિર્ણય કર્યો હતો. ધોનીની ટીમ ચેન્નાઈ સુપર કિંગ્સે ખૂબ જ નબળી શરૂઆત કરી હતી.  તેણે 7 રનમાં ત્રણ વિકેટ ગુમાવી છે. દિગ્ગજ બેટ્સમેન સુરેશ રૈના પેવેલિયન જનારો ત્રીજો બેટ્સમેન હતો. તે 4 રને આઉટ થયો હતો. બોલ્ટે તેને પેવેલિયન મોકલ્યો.

મુંબઈની શાનદાર શરૂઆત

મુંબઈ ઈન્ડિયન્સની શાનદાર શરૂઆત થઈ હતી. ટ્રેન્ટ બોલ્ટે પ્રથમ ઓવરમાં ચેન્નાઈને પ્રથમ ફટકો આપી દીધો છે. તેણે ઓપનર ડુ પ્લેસિસને આઉટ કર્યો છે. તે ખાતું ખોલ્યા વિના પેવેલિયન ભેગો થયો હતો. ચેન્નાઈની પ્રથમ વિકેટ 1 પર પડી હતી. 

ચેન્નાઈ સુપર કિંગ્સને મોટો ફટકો પડ્યો

કેપ્ટન મહેન્દ્રસિંહ ધોની 3 રન બનાવીને આઉટ થતા ચેન્નાઈ સુપર કિંગ્સને મોટો ઝટકો લાગ્યો હતો. બાઉન્ડ્રી પર બોલ્ટના હાથે તેને મિલ્ને કેચ આઉટ કર્યો હતો. ચેન્નાઈની ચોથી વિકેટના ભોગે પડી હતી. 

બન્ને ટીમના ખેલાડીઓ 

મુંબઈ- ક્વિન્ટન ડીકોક, સૂર્યકુમાર યાદવ, ઇશાન કિશન, અનમોલપ્રીત સિંહ, કિરોન પોલાર્ડ (કેપ્ટન), સૌરભ તિવારી, કૃણાલ પંડયા, એડમ મિલ્ને, રાહુલ ચહર, જસપ્રિત બુમરાહ અને ટ્રેન્ટ બોલ્ટ

ચેન્નાઈ- ફાફ ડુ પ્લેસિસ, રિતુરાજ ગાયકવાડ, મોઈન અલી, સુરેશ રૈના, રાયડુ, એમએસ ધોની, રવિન્દ્ર જાડેજા, ડ્વેન બ્રાવો, શાર્દુલ ઠાકુર, દીપક ચહર અને જોશ હેઝલવૂડ.