એક કુખ્યાત ગેંગસ્ટરને પોતાની પાર્ટીમાં સામેલ કરાવવા મામલે ભાજપ ફસાઈ ગઈ છે. તમિલનાડુમાં સૂર્યા નામનો હિસ્ટ્રીશીટર પોલીસને જોઇને ભાજપના કાર્યક્રમમાંથી ભાગ્યો હતો.
સૂર્યા નામના કુખ્યાત ગેનસ્ટરને પાર્ટીમાં સામેલ કરી રહી હતી ભાજપ
તમિલનાડુના ભાજપ અધ્યક્ષ પણ કાર્યક્રમ સામેલ હતા
પોલીસને અપરાધીની સુચના મળી તો તે તરત ઘટનાસ્થળે પહોંચી
પોલીસને જોઇને ઉભી પૂંછડીએ ભાગી ગયો સૂર્યા
શું છે ઘટના
અત્યારે તમિલનાડુમાં ભારતીય જનતા પાર્ટીની ખૂબ ટીકા થઇ રહી છે. ભાજપ સૂર્યા નામનાં વ્યક્તિને પાર્ટીમાં સામેલ કરી રહી હતી અને તે ભાજપની સદસ્યતા ગ્રહણ કરવાના કાર્યક્રમમાં પહોંચ્યો હતો. અચાનક જ ત્યાં પોલીસ આવી ગઈ અને તે પોલીસને જોઇને ત્યાંથી નાસી ગયો. સૂર્યા એક હિસ્ટ્રીશીટર છે અને પોલીસ તેની શોધ કરી રહી છે.
ભાજપ પર ઉઠી રહ્યા છે સવાલ
નોંધનીય છે કે ભાગી જનારો આ કુખ્યાત ગેંગસ્ટર રેડ હિલ્સ સૂર્યાના નામે જાણીતો છે. તે ભાજપના કાર્યક્રમ માટે વેન્ડાલુરુંમાં આવ્યો હતો અને ત્યાં જ પાર્ટીના અધ્યક્ષ એલ મુરગન પણ પહોંચ્યા હતા. જ્યારે પોલીસને જાણ થઇ કે આ કુખ્યાત ગેંગસ્ટર ક્યાં છે તો તરત જ ત્યાં પહોંચી ગઈ.
પોલીસે છ લોકોને પકડ્યા, ભાજપે કર્યો હોબાળો
પોલીસે બતાવ્યું કે ટીમને જોઇને સૂર્યા ત્યાંથી કાર લઈને ભાગ્યો. જોકે પોલીસે ઘટનાસ્થળ પર ઉપસ્થિત છ બીજા લોકોની ધરપકડ કરી લીધી. બતાવવામાં આવી રહ્યું છે કે આ લોકો સૂર્યાનાં સાથી છે તે બધા જ ધારદાર હથિયાર સાથે પકડાયા હતા. પોલીસ જ્યારે છ લોકોને પકડીને પોલીસ સ્ટેશન લઈને આવી તો કાર્યકર્તાઓએ ત્યાં ખૂબ હોબાળો કર્યો અને ધરણા પણ કર્યા. જો કે બાદમાં ધરપકડ કરાયેલા લોકોને છોડી દેવામાં આવ્યા.
કુખ્યાત ગેંગસ્ટર પર છે 50 કેસ
પોલીસે જણાવ્યું કે તેનાં પર છ મર્ડર, હત્યાના પ્રયાસ, વિસ્ફોટકના ઉપયોગ સહીતના અનેક ગંભીર આરોપો લાગેલા છે. તેના પર ગંભીર ધારાઓમાં 50થી વધુ કેસ દાખલ થયેલા છે છતાં પોલીસને પકડથી બહાર છે.
ભાજપે આપી સફાઈ
આવા કુખ્યાત ગેંગસ્ટરને પાર્ટીમાં સામેલ કરવાના સવાલ પર રાઘવને કહ્યું કે કેટલાય લોકો રોજ ભાજપમાં સામેલ થયા છે અને બધાની શાખ શું છે તેની જાણ રાખવી મુશ્કેલ હોય છે. જે પણ લોકો પાર્ટીમાં સામેલ થાય છે તે બધાને સમૂહમાં પાર્ટીમાં સામેલ કરવામાં આવે છે. સૂર્યાનાં બેકગ્રાઉન્ડ વિશે પાર્ટીના લોકોને જાણ ન હતી જોકે હવે ધ્યાન રાખીશું.