ચેન્નઈની આઈટીસી ગ્રેંડ ચોલા હોટલમાં કોરોનાનો પહેલો કેસ 15 ડિસેમ્બરે આવ્યો હતો. અહીં લગભગ 15 દિવસમાં 85 લોકો કોરોના સંક્રમિત થઈ ચૂક્યા છે. સંક્રમિતોમાં હોટલના કર્મચારીઓ પણ સામેલ છે. 85 લોકોના સંક્રમિત થયા બાદ હોટલે જાહેરાતમાં કહ્યું કે અહીં તમામ અધિકારીઓ દ્વારા કોરોનાની ગાઈડલાઈનનું પાલન થઈ રહ્યું છે.
ચેન્નઈની આઈટીસી ગ્રેંડ ચોલા હોટલ બની કોરોનાનું હોટસ્પોટ
85 લોકોને થયું કોરોનાનું સંક્રમણ
હોટલમાં થઈ રહ્યું છે કોરોના ગાઈડલાઈનનું પાલન
ચેન્નઈની ગ્વિંડીમાં આવેલી આઈટીસી ગ્રેન્ડ ચોલા હોટલમાં ગયા વર્ષે 15 ડિસેમ્બરે કોરોનાનો પહેલો કેસ આવ્યો હતો. ત્યારથી અત્યાર સુધીમાં એટલે કે ફક્ત લગભગ 15 દિવસમાં અહીં 85 લોકોના કોરોના સંક્રમિત થયા હોવાની જાણકારી મળી છે. હોટલમાં જે લોકો કોરોના સંક્રમિત થયા છે તેમાં હોટલના કર્મચારીઓ પણ સામેલ છે. આ જાણકારી શનિવારે એક વર્ષિઠ અધિકારીએ આપી છે. સ્વાસ્થ્ય સચિવ જે રાધાકૃષ્ણને કહ્યું કે આ પછી ગ્રેટર ચેન્નઈ નિગમને હોટલમાં રહેનારા દરેક મહેમાનોની તપાસ કરવાના આદેશ અપાયા છે.
હોટલે આપ્યું આવું નિવેદન
હોટલે એક જાહેરાતમાં કહ્યું છે કે હોટલમાં અધિકારીઓ દ્વારા જાહેર દરેક દિશા નિર્દેશોનું પાલન કરવામાં આવી રહ્યું છે. આ સિવાય પણ સોશ્યલ ડિસ્ટન્સિંગને માટે પણ હોટલની ક્ષમતાના 50ટકાનો ઉપયોગ કરાઈ રહ્યો છે. સ્વાસ્થ્ય સચિવે કહ્યું કે હોટલમાં સંક્રમણનો પહેલો કેસ 15 ડિસેમ્બરે આવ્યો હતો. 31 ડિસેમ્બરે 16 અને 1 જાન્યુઆરીએ 13 લોકોના સંક્રમણની પુષ્ટિ થઈ હતી. તેઓએ કહ્યું કે હોટલ અને તેના આસપાસના કર્મચારીઓના રહેઠાણથી 609 લોકોના સેમ્પલ લેવાઈ ચૂર્યા છે. જેમાંથી 85 લોકો સંક્રમિત હોવાનું જાણવા મળ્યું છે. તેમનામાં કોરોનાના સામાન્ય લક્ષણો જોવા મળ્યા છે અને તેમની સારવાર શરૂ કરાઈ છે. સારવાર બાદ તેમને ઘરે મોકલવામાં આવી રહ્યા છે.
સ્વાસ્થ્ય મંત્રાલયના અનુસાર તમિલનાડુમાં 8380 એક્ટિવ કેસ છે અને 7 લાખ 98 હજાર 420 લોકો સારવાર બાદ સાજા થયા છે. વાયરસના સંક્રમણને આધારે 12135 લોકોના જીવ ગયા છે.