ભ્રષ્ટાચાર / વડોદરાની કિરી ઇન્ડસ્ટ્રીઝ છોડી રહ્યું છે ઝેરી કેમિકલયુક્ત પાણી કેનાલમાં, સરકારની આંખો કેમ બંધ?

• માનીતા ઉદ્યોગપતિઓને છોડવા દેવાય છે ઝેરી પાણી
• VECL કેનાલમાં કેમિકલયુક્ત પાણી છોડવા દેવાય છે
• પાદરાના ધારાસભ્યએ CMને પત્ર લખી કરી રજૂઆત

આ અંગે પાદરાના ધારાસભ્ય જશવંત પઢિયારે સીએમ રૂપાણીને પત્ર લખીને રજૂઆત પણ કરી છે. જેમાં એન્વાયરો ચેનલ લિમિટેડના સલાહકાર શંકર પટેલની જ કંપની કિરી ઇન્ડસ્ટ્રીઝમાંથી જ કેમિકલયુક્ત પાણી છોડવામાં આવે છે. અને એન્વાયરો ચેનલના MD સતિષ પંચાલ શંકર પટેલને છાવરી રહ્યાનો પણ આક્ષેપ થઇ રહ્યો છે.

જ્યારે અન્ય કંપનીઓને પાણી છોડવા બદલ નોટિસ ફટકારવામાં આવે છે. જો કે કિરી ઇન્ડસ્ટ્રીઝ સામે કોઇ કાર્યવાહી નથી કરવામાં આવતી. ત્યારે સવાલ એ છે કે પર્યાવરણને નુકસાન પહોંચાડતી કિરી ઇન્ડસ્ટ્રીઝ પર કાર્યવાહી કેમ નહીં?. માનિતા ઉદ્યોગપતિઓ પર કોની છે રહેમ નજર?. કોના કહેવાથી કેમિકલયુક્ત પાણી કેનાલમાં છોડવા દેવામાં આવે છે?.અન્ય કંપનીઓને ઝેરી કેમિકલ છોડવા પર સજા તો કિરી ઇન્ડસ્ટ્રીઝને કેમ નહીં?.

સળગતા સવાલ  

• પર્યાવરણને નુકસાન પહોંચાડતી કિરી ઇન્ડસ્ટ્રીઝ પર કાર્યવાહી કેમ નહીં?
• માનિતા ઉદ્યોગપતિઓ પર કોની છે રહેમ નજર?
• કોના કહેવાથી કેમિકલયુક્ત પાણી કેનાલમાં છોડવા દેવામાં આવે છે?
• એન્વાયરો ચેનલ લિમિટેડના સલાહકારની કંપની જ ઝેરી કેમિકલ કેનાલમાં છોડે છે?
• અન્ય કંપનીઓને ઝેરી કેમિકલ છોડવા પર સજા તો કિરી ઇન્ડસ્ટ્રીઝને કેમ નહીં?
• શું તંત્રની પણ કિરી ઇન્ડસ્ટ્રીઝ સાથે કોઇ સાંઠગાંઠ છે?
• એકને ખોળ અને એકને ગોળની નીતિ કેમ અપનાવો છો?