રાજકોટમાં નકલી દૂધનો પર્દાફાશ થયો છે, ઉપલેટાના ઢાંક ગામથી રાજકોટમાં દૂધ ડિસ્ટ્રીબ્યૂટ કરવામાં આવતું હતું, 5 દિવસ પહેલા પોલીસને બાતમી મળી હતી
રાજ્યમાં ડુપ્લીકેટ દૂધનું વેચાણ
કેમિકલ મિક્સ કરાતું હોવાનો ખુલાસો
સેમ્પલ ટેસ્ટિંગ માટે મોકલ્યા
રાજકોટમાં દૂધમાં ભેળસેળ કરીને કાળો વેપાર કરવાનું કૌભાંડ ઝડપાયું છે. કેમિકલનો ઉપયોગ કરીને દૂધનો વેપાર કરવામાં આવી રહ્યો છે. ત્યારે આ મામલે મનપાનું આરોગ્ય વિભાગ સતર્ક બન્યું છે. અને સેમ્પલ લઈને કાર્યવાહી હાથ ધરી છે. પરંતુ આ પ્રકારનો કાળોકારોબાર લોકોના સ્વાસ્થય સાથે ચેડાં કરવામાં આવી રહ્યા છે. તો રાજકોટ મનપાના આરોગ્ય અધિકારીએ જણાવ્યું કે, આ પ્રકારના દૂધનો આહાર લેવાથી ગંભીર રોગનો શિકાર બની શકાય છે. કેટલાક કેમિકલના ઉપયોગથી કેન્સર સુધીના રોગ થવાની પણ શક્યતા છે. મહત્વનું છે કે, દૂધનો આહાર તમામ લોકો દ્વારા લેવામાં આવતો હોય છે. પરંતુ આ પ્રકારના કેમિકલયુક્ત દૂધનો વીડિયો સામે આવ્યા બાદ લોકો માટે ચેતવણીરૂપ કિસ્સો છે.
રાજકોટમાં કેમિકલ ભેળસેળયુક્ત દૂધ મામલે કાર્યવાહી
રાજકોટમાં નકલી દૂધનો પર્દાફાશ થયો છે. ઉપલેટાના ઢાંક ગામથી રાજકોટમાં દૂધ ડિસ્ટ્રીબ્યૂટ કરવામાં આવતું હતું. 5 દિવસ પહેલા પોલીસને બાતમી મળી હતી. જેના આધારે પોલીસે વાહન સાથે બનાવટી દૂધ ઝડપી લીધું છે. 1 વર્ષથી આ રીતે દૂધ આવતું હોવાની પ્રાથમિક માહિતી મળી હતી. પોલીસે કહ્યું કે, આ પ્રકારનો કાળોકારોબાર 1 વર્ષ અગાઉથી ચાલી રહ્યો છે. સાથે જણાવ્યું કે, જે ગાડીમાં ભેળસેળયુક્ત દૂધ પહોંચાડવામાં આવી રહ્યું છે. તેના ડ્રાઈવર પાસે પુરતી માહિતી હોતી નથી. પરંતુ દૂધના સેમ્પલ લેવાઈ ચૂક્યા છે. અને તેના પરિણામની રાહ જોવાઈ રહી છે.