Election 2019: આ રીતે જાણી શકો છો મતદાર યાદીમાં તમારું નામ છે કે..

લોકસભાની ચૂંટણી આંગણે આવીને ઉભી છે ત્યારે દરેક પક્ષ દ્વારા પોતાના ઉમેદવારની પસંદગી અંગે સતત મહામંથન કરી રહ્યો છે ત્યારે ભારતના દરેક નાગરિક પણ આગામી લોકસભાની ચૂંટણીમાં મતદાન કરવા માટે આતુરતા પૂર્વક રાહ જોઇ રહ્યા છે. 



આ તમામ બાબતો વચ્ચે અમે આપને આજે એક એવી એપ વિશે જણાવીશું જેના દ્વારા તમે તમારું નામ વોટર લિસ્ટમાં છે કે નહીં તે અંગે ઘરે બેઠાં તપાસ કરી શકશો. Delhi Election એપ દ્વારા દિલ્હીની પ્રજા ઘરે બેઠાં પોતાના વિધાનસભા અને સંસદીય ક્ષેત્ર અંગેની જાણકારી મેળવી શકે છે. આ સાથે જ વોટર આઇડીમાં ફોટો અપડેટ કરવો હોય, પોલિંગ સ્ટેશન અંગે જાણકારી મેળવવી હોય તો દિલ્હીવાસીઓ માત્ર એક ટચ કરીને તમામ બાબતો અંગે માહિતી મેળવી શકાશે. 


ઉલ્લેખનીય છે કે, મતદાતાએ આ વિગતો મેળવવા માટે પોતાનો Voter Card Number અથવા નામ એડ કરવું પડશે. આ સાથે જ આ એપની મદદથી નવા ચૂંટણી કાર્ડ માટે પણ અરજી કરી શકાશે.

આ સાથે જ તમારે તમારા વોટર આઇડીમાં કોઇ સુધારા-વધારા કરાવવા હોય તો પણ આ એપ ખુબ જ મદદરૂપ બનશે, તો આ એપ દ્વારા તમારા નવા ચૂંટણી કાર્ડ અંગેના સ્ટેટસની માહિતી પણ મેળવી શકાશે એટલું જ નહીં તમારા વિસ્તારના Election Officer અને BLO (Booth Level Officer) નું નામ પણ આ એપના માધ્યમથી જાણી શકાશે. 



કેવી રીતે લિસ્ટમાં નામ કરશો ચેક?
આ માટે દિલ્હીવાસીએ સૌ પ્રથમ ગૂગલ પ્લેસ્ટોરમાં જઇને Delhi Election નામની એપ ડાઉનલોડ કરવાની રહેશે. ત્યારબાદ તેને ઓપન કર્યા બાદ Search name in voters list, Know your constituency, Enroll Online, Know your Election Officer, Know your BLO, Navigate to Polling Station'જેવા ઓપ્શન  આવશે. જેમાં મતદાતાએ પોતાના ચૂંટણી કાર્ડનો નંબર અથવા પોતાનું નામ એડ કરવાનું રહેશે.