તમારા કામનું / ગેરેજમાં કાર સર્વિસ કરવા આપતા પહેલા જરૂર ફૉલો કરો આ 3 ટિપ્સ, નહીંતર લૂંટાઈ જશો

• લોકલ ગેરેજમાં સર્વિસ કરવાતા પહેલા ખાસ ધ્યાન રાખો
• હંમેશાં પોતાની કારની સર્વિસમાં ઘણી બાબતો ચકાશો
• જો લોકલ મિકેનિક કુશળ કારીગર ન હોય તો સર્વિસ ન કરવો 

જ્યારે આપણે નવી કાર ખરીદીએ છીએ, ત્યારે તેની સાથે કેટલીક પ્રારંભિક સર્વિસ ફ્રી હોય છે. જો કે, સમયની સાથે આપણા વાહનનો સર્વિસ ચાર્જ વધતો જાય છે. કંપનીઓ વાહનને તેમના અધિકૃત સેવા કેન્દ્રો પર જ લઈ જવાની સલાહ આપે છે. જો કે, ત્યાં લાદવામાં આવતા સર્વિસ ચાર્જ ઘણા લોકોના ખિસ્સા પર ભારે છે. આ ઉપરાંત, ત્યાં સમય પણ ઘણી વખત વધુ લે છે. આવી સ્થિતિમાં, ઘણા લોકો તેમની કાર લોકલ મિકેનિક પાસેથી જ સર્વિસ કરાવે છે. જો તમે પણ એવા ગ્રાહકોમાંથી એક છો કે જેઓ લોકલ મિકેનિક દ્વારા તેમના વાહનની સર્વિસ કરાવે છે, તો ધ્યાનમાં રાખવા જેવી કેટલીક બાબતો છે. નહીં તો મોટું નુકસાન થઈ શકે છે. અહીં અમે તમને આવી જ 3 ટિપ્સ જણાવી રહ્યા છીએ. 

1. એન્જીન ઓઈલ
કારની સર્વિસ દરમિયાન સૌથી મહત્વનું કામ એંજીન ઓઈલ બદલવાનું છે. સૌથી પહેલાં તો એ જુઓ કે તમારી કારમાંથી જે જુનું ઓઈલ નીકળ્યું છે, શું તે ખરેખર ચલાવવા લાયક નથી? ઘણી વખત મિકેનિક્સ પૈસા કમાવવા માટે સારું ઓઈલ પણ કાઢી નાખે છે. જો કે ઓઈલ કાળું થઈ ગયું હોય તો તેને બદલવું જોઈએ. તે પણ તપાસવું જોઈએ કે કાર મિકેનિક જે ઓઈલ નાખે છે તે સારી ગુણવત્તાનું છે કે નહી. 

2. કૂલન્ટ 
અધિકૃત સેવા કેન્દ્રનો સૌથી મોટો ફાયદો એ છે કે તેઓ તમારા જણાવ્યા વગર તમામ જરૂરી ભાગોને તપાસે છે અને જ્યાં જરૂરી હોય ત્યાં ફરીથી રીફીલ પણ કરે છે. શીતક(કૂલન્ટ) પણ એક એવો ભાગ છે, જે સમય જતાં રિફિલ કરવામાં આવે છે. લોકલ મિકેનિક્સ ઘણીવાર આ કામ ભૂલી જાય છે. તેથી, લોકલ મિકેનિક પાસેથી સર્વિસ કરાવતી વખતે, કૂલન્ટને ટોપ અપ કરવાની ખાતરી કરો. 

3. એર ફિલ્ટર
જ્યારે પણ તમે તમારી કારની સર્વિસ કરાવવા જાઓ ત્યારે એકવાર એર ફિલ્ટર ચેક કરો. કેટલીકવાર એર ફિલ્ટર લીકેજ કે તૂટેલ હોય છે. જો એર ફિલ્ટર ક્ષતિગ્રસ્ત છે, તો તેને બદલવું વધુ સારું છે. લોકલ મિકેનિક્સ ઘણીવાર જૂના એર ફિલ્ટરને સાફ કરીને અને તેણે ફરીથી ફીટ કરે છે.