સૌથી મોટી સર્ચ એન્જિંન કંપનીએ એકવાર ફરી મોટી કાર્યવાહી કરી છે. તેણે 11 મોબાઈલ એપને પ્લે સ્ટોરમાંથી હટાવી દીધી છે. હેકર્સ આ મોબાઈલ એપમાં જોકર નામના મૈલવેયરનો ઉપયોગ કરી લોકોને પોતાનો નિશાનો બનાવી રહી હતી. આ ઉપરાંત હેકર્સ યુઝર્સની મરજી વગર તેમની પાસે પ્રીમિયમ સેવાઓને સબ્સક્રાઈબ કરાવતા હતા. ઉલ્લેખનીય છે કે આ મેલિશિયસ મોબાઈલ એપની જાણકારી ચેક પોઈન્ટનો રિપોર્ટ મળ્યો છે.
2017 થી ગૂગલ આ વાયરસવાળી એપ્સ પર નજર રાખી રહ્યું હતુ
અજાણ્યા મોબાઈલ એપ ડાઉનલોડ ન કરો
એપ્સની જાણકારી ફ્રાન્સની સાઈબર સિક્યોરિટી ફર્મ Evinaએ આપી હતી
ચેક પોઇન્ટની રિપોર્ટ મુજબ, 2017 થી ગૂગલ આ વાયરસવાળી એપ્સ પર નજર રાખી રહ્યું હતુ. હેકર્સ આ મોબાઇલ એપના માઘ્યમથી યુઝર્સને ચૂનો લગાવવાની સાથે સાથે ખાનગી ડેટા પણ ચોરતા હતા. જો કે હવે કંપનીએ આ મોબાઈલ એપ્સ પોતાના પ્લેટફોર્મ પરથી હટાવી દીધી છે. આ પહેલા કંપનીએ પ્લે સ્ટોરમાંથી 25 મોબાઇલ એપ હટાવી હતી. જે ફેસબુક યુઝર્સના ડેટા ચોરી રહી હતી.
જો તમને લાગે કે તમારા સ્માર્ટ ફોનમાં મૈલિશિયસ મોબાઈલ એપ ડાઉનલોડ થઈ છે તો તેને ડિલીટ કરો
તમારા સ્માર્ટફોનમાં ભરોસા લાયક- એન્ટી વાયરસ અને સિક્યોરીટી એપનો ઉપયોગ કરો
અજાણ્યા મોબાઈલ એપ ડાઉનલોડ ન કરો
ગૂગલે 25 એપને પોતાના પ્લેટફોર્મ પરથી હટાવી
ગૂગલે આ મહિનાની શરુઆતમાં જ 25 મોબાઈલ એપને પ્લે સ્ટોરમાંથી હટાવી દીધી હતી. કંપનીએ આ કાર્યવાહી ડેટા ચોરીને પગલે કરી છે. આ તમામ ફેસબુક યુઝર્સના ડેટા ચોરી કરી રહ્યા હતા. ગૂગલને આ એપ્સની જાણકારી ફ્રાન્સની સાઈબર સિક્યોરિટી ફર્મ Evinaએ આપી હતી. આ એપ વિશે Evinaએ પાતના બ્લોગમાં જાણકારી આપી હતી. આમાં મોટાભાગની એપ વીડિયો એડિટિંગ, ફ્લેશ લાઈટ અને વોલ પેપર સાથે જોડાયેલી હતી.