મોટાભાગે મહિલાઓ લિક્વિડ ડિશવોશનો ઉપયોગ વાસણ ધોવા માટે જ કરે છે. પરંતુ તમે ભાગ્યે જ જાણતાં હશો કે તમે ડિશવોશથી આ ચીજોની સફાઇ પણ સરળતાથી કરી શકો છો. તે સાબુની જેમ પીગળતું નથી અને સાથે તમે તમારી જરૂર પ્રમાણે તેને પાઉચ કે બોટલમાંથી કાઢી શકો છો. જાણી લો લિક્વિડ ડિશવોશના એવા ઉપયોગ જેની મદદથી તમે કેટલાક મુશ્કેલ ગણાતા કામ સરળતાથી કરી શકો છો.
લિક્વિડ ડિશવોશનો ઉપયોગ વાસણ ધોવા કરાય છે
ઘરના સફાઈના કામમાં પણ ઉપયોગી છે લિક્વિડ ડિશવોશ
ગાર્ડનની સફાઈ હોય કે માખીઓ ભગાડવી હોય તો વાપરો લિક્વિડ ડિશવોશ
ગાર્ડનમાંથી ઘાંસ ફૂસ હટાવવા
કિચન ગાર્ડનના ઘાંસ ફૂસ હટાવવામાં સમય લાગે છે. લિક્વિડ ડિશવોશ, મીઠું અને વિનેગરનું મિશ્રણ તૈયાર કરો અને તેને સ્પ્રે બોટલમાં ભરો. છોડને નુકશાન ન થાય તે રીતે સ્પ્રે છાંટો. કામ સરળ થશે.
ચશ્મા થશે સાફ
તમે તમારા ચશ્માના લેન્સને ડિશવોશથી સાફ કરી શકો છો. એક સૂકા કપડાં પર ડિશવોશના ટીપાં નાંખો અને લેન્સ સાફ કરી લો. પછી ચશ્મા ધોઇ લો.
માખી આવશે નહીં
એક બાઉલને વિનેગરથી અડધો ભરો અને તેમાં 10-12 ટીપાં ડિશવોશ નાંખો. અડધા બાઉલને ગરમ પાણીથી ભરો. તેની સ્મેલથી માખીઓ ભાગશે.
દરવાજા અને બારીનો અવાજ
લિક્વિડ ડિશવોશનાં કેટલાક ટીપાં બારી કે દરવાજાના મિજાગરા પર લગાવી દો. તે ઇરિટેટિંગ અવાજને સરળતાથી દૂર કરે છે.
કાર્પેટ અને ટાઇલ્સની સફાઇ
ટાઇલ્સ કે કાર્પેટ પર ગ્રીસના ડાઘ લાગ્યા છે તો તમે તેને લિક્વિડ ડિશવોશ સ્પ્રેથી સાફ કરી શકો છો. તેને ડાઘ પર છાંટો અને પછી ભીના કપડાંથી સાફ કરી લો.
પંચરને સરળતાથી શોધશે
પાણીમાં લિક્વિડ મિક્સ કરો અને સાથે તે જગ્યા પર સ્પ્રે કરો. જો પંચર હશે તો તે જગ્યાએથી લિક્વિડના કારણે પરપોટા થશે અને કામ સરળ બનશે. મેટ્રેસમાં કાણું હશે તો તેને પણ શોધી શકાશે.
છોડની માવજત
7-8 ચમચી ડિશવોશ લિક્વિડને નવશેકા પાણીમાં ઓગાળી સ્પ્રે બોટલમાં ભરો અને છોડ પર છાંટી લો. ધ્યાન રાખો કે તેમાં બ્લીચ કે એન્ટી બેક્ટેરિયલ ઇન્ગ્રીડિયન્સ ન હોય. તે કીડા મકોડાને ખતમ કરે છે.