હોળીનો તહેવાર નજીક છે અને એના માટે તૈયારીઓ અત્યારથી શરૂ થઇ ગઇ છે. એક મોટી ચેલેન્જ હોળીમાં રમવા દરમિયાન તમારા ફોનને બચાવીને રાખવાનો હોય છે. ફોન વગર હોળીની મજા પણ આવતી નથી કારણ કે જ્યાં સુધી ફોટો ક્લિક ના થાય, આ તહેવારનો રંગ ચઢતો નથી. સારી વાત એ છે કે ઘણા ફોન્સ પૂરી રીતે 'હોળી સેફ' છે અને હોળી દરમિયાન એ ખરાબ થવાનો ડર નથી. આઇપી રેટિંગના આધાર પર જોઇ શકાય છે કે ફોન સેફ છે કે નહીં. ચેક કરો તમારો ફોન આ લિસ્ટમાં છે કે નહીં.
iPhone X, XS, XS Max, iPhone XR
ગત વર્ષે લોન્ચ થયેલા iPhone XS, XS Max ફોન્સ IP68 સર્ટિફાઇડ છે. એટલે કે ડિવાઇસને ધૂળ માટીથી જોખમ નથી. આ પાણીમાં 2 મીટર ઊંડાઇમાં આશરે 30 મીનિટ સુધી રહી શકે છે. iPhone XR પણ
IP68 રેટિંગ સાથે આવે છે અને હોળીના કારણે તે સેફ છે. iPhone X પણ IEC સ્ટાન્ડર્ડ 60529 માં IP67 રેટિંગ સાથે આવે છે. જેના કારણે વૉટર અને ડસ્ટપ્રૂફ છે.
iPhone 8, iPhone 8 Plus
એપલના iPhone 8, iPhone 8 Plus સ્માર્ટફોનને પણ IP67 રેટિંગ આપવામાં આવ્યું છે. એનો અર્થ એ છે કે બંને ફોન્સ હોળી સ્પ્લેશ માટે રેડી છે. આ ફોન્સ પણ ડસ્ટ અને વોટરથી ખરાબ થશે નહીં.
Asus ROG Phone
આ ભારતમાં આસુસનો એક માત્ર IP68 રેટિંગ વાળો સ્માર્ટફોન છે. આ ગેમિંગ સ્માર્ટફોન હાર્ડવેરના મામલે તો એડવાન્સ છે જ, સાથે વૉટરપ્રૂફ અને ડસ્ટપ્રૂફ છે.
Samsung Galaxy S10+, S10, S10e
સેમસંગના આ ત્રણેય મોડલ હોળી સેફ છે. આ ફોન IP68 ની સાથે લોન્ચ કરવામાં આવ્યા છે.
Samsung Galaxy Note 9, Galaxy S9, Galaxy S9+
ગત વર્ષે લોન્ચ સેમસંગની ફ્લેગશિપ સીરિઝની ફેબલેટ નોટ 9 પણ IP68 રેટિંગ સાથે આવે છે. આ વર્ષે લૉન્ચ થયેલા ગેલેક્સી એસ9 અને એસ9 પ્લસનું હાર્ડવેર પણ એક જેવું જ છે અને બંને IP68 રેટિંગ વાળો ફોન્સ છે. આ દરેક ફોન હોળી સેફ છે.
Samsung Galaxy S8, Galaxy S8+
બંને સ્માર્ટફોનનું સર્ટિફિકેશન એને વૉટર અને ડસ્ટપ્રૂફ જણાવે છે. આ બંને ફોન 1.5 મીટર ઊંડાણના પાણીમાં 30 મીનિટ સુધી રહી શકે છે.
Google Pixel 3, Pixel 3 XL, Pixel 2 XL
આ દરેક ફોન્સ IP68 રેટિંગ સાથે બજારમાં ઊતારવામાં આવ્યા હતા. પિક્સલ 2 એક્સએલને 2017માં IP67 રેટિંગ સાથે લૉન્ચ કરવામાં આવ્યો હતો.
Huawei P20 Pro, Mate 20 Pro
Huawei P20 પ્રો IP67 રેટિંગ સાથે આવે છે અને કંપનીનો દાવો છે કે આ ફોન પૂરી રીતે ડસ્ટ અને વૉટરપ્રૂફ છે. એક મીટરના ઊંડાણ વાળા પાણીમાં રહી શકે છે. એવી જ રીતે MATE 20 PRO IP68 સર્ટિફાઇડ છે અને કર્વ્ડ ડિસ્પ્લે વાળો આ ફોન પણ વૉટર પ્રૂફ છે.
Nokia 8 Sirocco
આ ડિવાઇસ IP67 રેટિંગ સાથે આવે છે. અને આશરે 30 મીનિટ સુધી 1 મીટરની ઊંડાઇ સુધી પાણીમાં રહી શકે છે.
LG V40 ThinQ
આ ફોનને પણ IP68 રેટિંગ મળ્યું છે.
Sony Xperia X72
જો તમારી પાસે Sony Xperia X72 છે તો ચિંતા કર્યા વગર હોળીની મજા લઇ શકો છો. એન્ડ્રોઇડ ઓરિયો ઓએસ વાળા આ ફોનમાં પણ યૂઝર્સને IP68 રેટિંગ આપવામાં આવ્યું છે.