ઉપરાષ્ટ્રપતિ વેંકૈયા નાઈડુના નામે લોકોને છેતરવાનો પ્રયાસ થઈ રહ્યો છે. આ ચેતવણી ઉપરાષ્ટ્રપતિની ઓફિસમાંથી જ આપવામાં આવી છે. તમે પણ ધ્યાન રાખજો ક્યાંક આવા કિસ્સામાં ફસાઈ ન જતાં.
સાઇબર ક્રાઇમના વધી રહ્યા છે કેસ
ઉપરાષ્ટ્રપતિના નામે છેતરવાનો પ્રયાસ
મોબાઈલ નંબર 9439073183 પરથી આવે છે મેસેજ
VIP સહિત લોકોને છેતરવાનો પ્રયાસ
ઈન્ટરનેટની દુનિયામાં, સાયબર ક્રિમીનલ્સ ઘણા લોકોને પોતાનો શિકાર બનાવે છે. પરંતુ હવે આ ક્રિમીનલ્સની હિંમત એટલી વધી ગઈ છે કે તેઓ ભારતના ઉપરાષ્ટ્રપતિ જેવા વ્યક્તિના નામનો ઉપયોગ કરીને લોકોને છેતરવાનો પ્રયાસ કરી રહ્યા છે.
આ વખતે ઉપરાષ્ટ્રપતિ એમ. વેંકૈયા નાયડુના રૂપમાં એક વ્યક્તિ VIP સહિત લોકોને વ્હોટ્સએપ મેસેજ મોકલીને મદદ અને આર્થિક સહાય માંગી રહ્યો છે. ઉપરાષ્ટ્રપતિશ્રીની ઓફિસે જ શનિવારે આ જાણકારી આપી હતી.
આ નંબર પરથી મેસેજ આવે તો ધ્યાન રાખજો
એક સત્તાવાર નિવેદનમાં, ઉપરાષ્ટ્રપતિ સચિવાલયે લોકોને ચેતવણી આપી છે કે આ વ્યક્તિ મોબાઈલ નંબર 9439073183 પરથી વોટ્સએપ મેસેજ મોકલી રહ્યો છે. તેમાં કહેવામાં આવ્યું છે કે, "એવી આશંકા છે કે આવા નકલી મેસેજિસ બીજા નંબરો પરથી પણ આવી શકે છે".
આ નિવેદનમાં એવું પણ કહેવામાં આવ્યું છે કે આવા વોટ્સએપ મેસેજ ઘણા VIP ને મોકલવામાં આવ્યા છે. "આ મામલો ઉપરાષ્ટ્રપતિના ધ્યાન પર લાવવામાં આવ્યા પછી, ઉપરાષ્ટ્રપતિ સચિવાલયે ગૃહ મંત્રાલયના અધિકારીઓને સતર્ક કરી દીધા છે."
અગાઉ કોનમેન સુકેશ ચંદ્રશેખર પણ કરતો હતો છેતરપિંડી
આ પહેલા બેંગ્લોરના રહેવાસી સુકેશ ચંદ્રશેખરે ઘણા મોટા શહેરોમાં અમીર લોકોને છેતર્યા હતા. ચંદ્રશેખરને બાલાજી તરીકે પણ ઓળખવામાં આવે છે. તેણે નોકરી અપાવવાના નામે અનેક લોકોને છેતર્યા હતા. એવું પણ કહેવાય છે કે રાજકારણીના સંબંધી હોવાનો ઢોંગ કરીને તેણે 100થી વધુ લોકો સાથે 75 કરોડ રૂપિયાની છેતરપિંડી કરી હતી.
તાજેતરમાં, સોમવારે બપોરે, મુંબઈના મલાડમાં રહેતા 71 વર્ષીય વ્યક્તિને ફોન આવ્યો હતો, જેમાં કહેવામાં આવ્યું હતું કે- 'હું દિલ્હીના પોલીસ કમિશનર તરીકે બોલું છું. તમારો નગ્ન
વિડિયો YOUTUBE પર અપલોડ કરવામાં આવ્યો છે. જો એને તુરંત દૂર નહીં કરવામાં આવે તો તમારી ધરપકડ કરવામાં આવશે. વૃદ્ધ વ્યક્તિને રાહુલ શર્મા નામના વ્યક્તિનો સંપર્ક કરવા માટે કહેવામાં આવ્યું હતું જે તેને VIDEO દૂર કરવામાં અને ઈ-મેલ દ્વારા તેની પુષ્ટિ કરવામાં મદદ કરશે. ત્યારપછી આ વ્યક્તિએ વીડિયો ડિલીટ કરવાના નામે વૃદ્ધ પાસેથી 1.4 લાખ રૂપિયા પડાવી લીધા ત્યારે તેને ખ્યાલ આવ્યો કે તે સાયબર ક્રાઈમનો શિકાર બન્યા છે.