મહેસાણા / ATM રૂમમાં ઠગબાજ, મદદના બહાને પાસવર્ડ જાણી ઉપાડી લીધા રૂપિયા

ATMથી એક આધેડથી રૂપિયા ન ઉપડતાં આરોપીએ તેમનો ફાયદો ઉપાડ્યો અને વિશ્વાસમાં લઈને પાસવર્ડ જાણી લીધો. ત્યાર બાદ રૂપિયા નથી નીકળતા બીજા મશીનમાં પ્રયાસ કરો. તેમ કહીને આધેડને બીજા મશીન પર મોકલ્યા અને પોતે ATMમાં પહેલાથી કાર્ડ નાખ્યું હોવાથી ટ્રાન્ઝેક્શન ચાલું હતું. જેથી તેને મશીનમાં અમાઉન્ટ નાખી અને રૂપિયા લઈને ત્યાંથી ફરાર થઈ ગયો.

આ સમગ્ર ઘટના CCTV કેમેરામાં કેદ થઈ ગઈ હતી. જેમાં સ્પષ્ટ પણે દેખાઈ રહ્યું છે કે આધેડ રૂપિયા કાઢવાના પ્રયાસ કરી રહ્યા છે. જોકે કોઈ ખામીના કારણે નીકળી નથી શકતાં. ત્યાં માથામાં ટોપી પહેરોલો શખ્સ ત્યાં આવે છે અને મદદ કરવાનું જણાવીને કાર્ડ ઈન્સર્ટ કરે છે અને ત્યાર બાદ મશીનમાં રૂપિયા ન હોવાનું કહીને બીજા મશીનમાંથી કાઢી લેવા જણાવે છે. બાદમાં પોતે ત્યાંથી રૂપિયા કાઢી લે છે અને ટોપી પહેરેલા આ શખ્સે આધેડ વ્યક્તિને ટોપી પહેરાવી દીધી અને ત્યાંથી ફરાર થઈ ગયો.