સુરતમાં લોભામણી લાલચ આપી છેતરપિંડી ગેંગ સક્રિય થઇ હોવાનો કિસ્સો સામે આવ્યો છે. શેર બજારના નામે ભૂતકાળમાં અનેક લોકો છેતરપિંડીનો ભોગ બન્યા છે. તેવામાં સુરતમાં ટોળકીએ શેર માર્કેટમાં ફ્યુચર ઓપરેશનમાં રોકાણ કરવાનું જણાવી ત્રણ ગણો નફોની ગેરંટી આપી એક નાગરિકના લાખો રૂપિયા સર્વી લીધા હતા. જોકે આ મામલે ભોગબાનારાએ સુરતમાં ફરિયાદ કરતા સુરત સયાબર ક્રાઇમ દ્વારા આરોપીઓની ધરપકડ કરી છે.
સો ટકાની ગેરંટી આપી યુવાનને શિશામાં ઉતાર્યો
સુરતમાં શેરમાર્કેટમાં ફ્યુચર ઓપરેશન નામે ચિટર ગેંગ રોકાણકારોને લાંબા સમયથી સુરતમાં લોભામણી વાતો કરી લાલચો આપી હતી.આ ટોળકી સુરતના એક નાગરિકને ફોન ઉપર એક મેસેજ કર્યો હતો કે, શેર માર્કેટમાં ફ્યુચર ઓપરેશનમાં રોકાણ કરવાયુ હોય તો સંપર્ક કરો, રોકાણકારોને ત્રણ ગણો નફો આપવામાં આવશે. તેમ જણાવાયું હતું. આ ઉપરાંત નફો આપવામાં આવશે એવી સો ટકાની ગેરંટી પણ આપવામાં આવી હતી. ત્યારબાદ યુવાનને શિશામાં ઉતારી સુરતના ફરિયાદી સાથે 13 લાખની છેતરપિંડી આચરી હતી. તથા વોલ્યુમ વધારો કરવાનું જણાવી વધુ અઢી લાખ મેળવી છેતરપિંડી આચરવામાં આવી હતી. આ મામલે ફરિયાદ નોંધાતા સુરત સાયબર ક્રાઇમની ટીમે તાત્કાલિક તાપસનો ધમધમાટ હાથ ધર્યો હતો અને આરોપી ચેતન ધોકિયા, હિરેન ધોકિયા, સૌરભ ડૂબે,અનિતા ચોવટિયાની ધરપકડ કરી છે.
4 શખ્સો પાંજરે પુરાયા
લોકોને ચૂનો ચોપડવા આ ગેંગ દ્વારા કોલ સેન્ટર ચાલુ કરવામાં આવ્યું હતું. અને સુરતમાં લોકોને આ પ્રકારના મેસેજ મોકલતા હતા અને જો કોઈ વ્યક્તિ તેમની વાતોમાં આવી જાય અને તેમની સાથે છેતરપીંડી કરતા હોવાનું સામે આવ્યું છે. હાલતો શેર બજારના નામે લોકો સાથે છેતરપીંડી કરનારા 4 શખ્સો પાંજરે પુરાઈ ગયા છે,જોકે સમગ્ર મામલે સુરત પોલીસે ઉંડાણ પૂર્વક તપાસ હાથ ધરી છે કે અન્ય કેટલા લોકોને ભોગ બનાવ્યા છે.તે દિશામાં તપાસ હાથ ધરી છે.