ઓનલાઈન એજ્યુંકેશન એપના નામે છેતરપિંડીનાં બનાવો વધી રહ્યા છે. અમદાવાદમાં BYJU'Sની એપના નામ પર છેતરપીંડી કરી હોવાનું પ્રકાશમાં આવ્યું છે.
ઓનલાઈન એજ્યુકેશન એપના નામે છેતરપિંડી
અમદાવાદમાં BYJU'Sની એપના નામ પર છેતરપિંડી
વારંવાર BYJU'Sમાં રજૂઆત છતા ઉકેલ ન આવતા અંતે ફરિયાદ
પરિવારે અંતે ગ્રાહક સુરક્ષામાં કરી રજૂઆત
કોરોનાની મહામારીમાં બાદ બાળકોનું ઓનલાઈન શિક્ષણ વધતા હવે ઓનલાઇન શિક્ષણનો ક્રેઝ વધ્યો છે. જો કે ઓનલાઇન શિક્ષણનો વ્યાપ વધતા અનેક વેબસાઈટ તેમજ એપ પણ માર્કેટમાં ધૂમ મચાવી રહી છે...આ પ્રકારની વેબસાઈટ કે એપના માધ્યમથી બાળકો શિક્ષણ મેળવી રહ્યા છે. જો કે આ પ્રકારની એપ હજાર રૂપિયા ખર્ચી અને શિક્ષણ માટે વાલીઓ પ્રાધાન્ય આપે છે,પરંતુ આ પ્રકારની એપ વાલીઓ સાથે છેતરપિંડી થવાની પણ ઘટના સામે આવી છે. ત્યારે કઈ એપ દ્વારા વાલી સાથે છેતરપિંડી કરી છે કેવી રીતે વાલીઓ એપના સંપર્કમાં આવ્યા અને એપની ખરીદી થકી કેટલા રૂપિયાનું નુકસાન વાલીઓને ભોગવવું પડે છે. જેની બાળકને કેવી અસર થાય છે.
ઓનલાઈન એજ્યુંકેશન એપના નામે છેતરપિંડીનાં બનાવો વધી રહ્યા છે. અમદાવાદમાં BYJU'Sની એપના નામ પર છેતરપીંડી કરી હોવાનું પ્રકાશમાં આવ્યું છે. ત્યારે સુઘડને એક પરિવાર સાથે BYJU'Sની એપ દ્વારા પણ છેંતરપીંડી થઈ હોવાનું જાણવા મળી રહ્યું છે. એકાઉન્ટમાંથી 45 હજાર રૂપિયા કપાયા છતાં પુરતો અભ્યાસક્રમ પણ વિદ્યાર્થીઓને મળ્યો ન હતો. એપ વિશે ડેમોસ્ટ્રેશન આપીને ટેબલેટ પણ આપ્યું હતું. ત્યારે વારંવાર BYJU'S માં રજૂઆત છતાં ઉકેલ ન આવતા અંતે ફરિયાદ નોંધાવવા પામી છે. પરિવારે અંતે ગ્રાહક સુરક્ષામાં રજૂઆત કરતા સમગ્ર મામલો ગ્રાહક સુરક્ષામાં પહોંચ્યો હતો.
અભ્યાસક્રમ અન્ય ધોરણનો હતો જેથી મને ન ફાવ્યુંઃવિદ્યાર્થીની
આ બાબતે વિદ્યાર્થીની આયુષીએ જે ધો. 7 માં મહાપ્રજ્ઞા વિદ્યાનિકેતનમાં ભણે છે. જણાવ્યું હતું કે મને જે ટેબલેટ મળ્યું હતું તેમાં અભ્યાસક્રમ આઉટઓફ સિલેબર્સ હતો. જે મને ફાવ્યો નહી. જેથી મેં મારા પપ્પાને કહીને ના પડાવી દીધી.
મારા આધારકાર્ડને ફોટો પાડીને લઈ ગયા બાદ EMI શરૂ થઈ ગયા
આ બાબતે મોના મનીષભાઈ પરમારે જણાવ્યું હતું કે મારા ફોન પર ફોન આવ્યો હતો. જેમાં તેઓએ જણાવ્યું હતું કે અમુક ધોરણ સુધી ઓનલાઈન શિક્ષણ માટે ફ્રી સ્કોલરશીપ આપતા હોય છે. ત્યાર બાદ થોડા દિવસ બાદ તેઓને ફરી ફોન આવ્યો હતો અને ફ્રી ડેમો આપવા માટે તેઓ મારા ઘરે આવ્યા હતા અને તેઓએ કહ્યું હતું કે તમને યોગ્ય લાગે તો કહેજો. ત્યાર બાદ બાળકીને અનુકૂળ ન આવતા અમે ના પાડી દીધી હતી. જે બાદ તેઓ ફરી અમારા ઘરે આવ્યા હતા અને અમે અમે પાંચ હજાર પરત માંગ્યા હતા. જે માટે તેઓ મારા આધારકાર્ડનો ફોટો પાડીને લઈ ગયા બાદ મારા બેંક એકાઉન્ટમાંથી દર મહિને 6000 જેટલી EMI ની રકમ કપાઈ જતા હતી. ત્યારે અમે છેલ્લે આ બાબતે ગ્રાહક સુરક્ષામાં ફરિયાદ કરી છે.
BYJU'S પર ગુજરાતમાં પ્રતિબંધ મુકવો જોઈએઃગ્રાહક સુરક્ષા અધિકારી
આ બાબતે ગ્રાહક સુરક્ષાના અધિકારીએ જણાવ્યું હતું કે BYJU'S સામે આવી એક નહી અનેક ફરિયાદો આવી છે. આ પહેલા પણ ફરિયાદો આવી છે. વિદ્યાર્થીઓ સાથે જે છેતરપીંડી થઈ રહી છે તે યોગ્ય નથી. વિદ્યાર્થીઓના ભવિષ્ય સાથે જે ખેલવાડ થઈ રહ્યો છે. BYJU'S દ્વારા વિદ્યાર્થીનાં વાલીના ખાતામાંથી કોઈ પણ જાતની મંજૂરી વગર ઈએમઆઈ શરૂ કરી દીધું છે. જેથી તેઓનાં એકાઉન્ટમાંથી દર મહિને પૈસા પણ કપાઈ રહ્યા છે. BYJU'S ઘણી વાર ગુજરાતી અભ્યાસક્રમ તેમજ કોઈ લિટરેચર પણ વિદ્યાર્થીને આપવામાં આવતું નથી. ત્યારે BYJU'S નાં જે પ્રમાણેની છેતરપીંડીની ઘટનાઓ સામે આવી રહી છે. જેને લઈને તેના પર પ્રતિબંધ મુકવો જોઈએ. આ બાબતે મુખ્યમંત્રી સુધી પણ રજૂઆત કરવામાં આવી છે.