ચાણક્યનીતિ એ કહે છે કે, ક્યારેય પોતાની ખાનગી વાત બીજા સાથે શેર ન કરવી જોઈએ. આ વાત વર્તમાન યુગમાં ખૂબ જરૂરી બની ગઈ છે. ખાસ તો મોબાઈલના આ યુગમાં તમારા ડેટાનો કોઈ અન્ય વ્યકિત લાભ ઉઠાવી શકે છે. કઈ રીતે થાય છે આ છેતરપિંડી?
એની ડેસ્ક અને ક્વીક સપોર્ટ APP દ્વારા તમારી સાથે થઇ શકે છે છેતરપિંડી
KYCના બહાને તો ક્યારેક કસ્ટમર કેર સપોર્ટના નામે તમારી સાથે છેતરપિંડી થઈ શકે છે
મેસેજ સાંભળીને તે નંબર પર વાત કરશો તોપણ તમારા ખાતામાંથી પૈસા ઉપડી જઈ શકે છે
સાયબર ઠગ કેવી કેવી રીતે તમારી સાથે ઠગાઈ કરી શકે છે
મોબાઈલના આ યુગમાં ઓનલાઈન વ્યવહાર વધી ગયા છે. આજે દરેક વ્યક્તિ ઘર બેઠા મોબાઈલ ફોન અને ઈન્ટરનેટ દ્વારા શોપિંગ કરી રહ્યો છે. તે પોતાના બેંકિગ વ્યવહારો કરી રહ્યો છે. વ્યક્તિ આંગળીના ટેરવે પેમેન્ટ કરે છે. કેમ તે દરેક જગ્યાએ વ્યક્તિ કેશ લઈને જઈ શકતો નથી. આ બધું તેને સારુ એટલા માટે લાગી રહ્યું છે કે, તેમાં સમય અને શક્તિની બચત થઈ રહી છે. જોકે ઓનલાઈન પેમેન્ટ કરવા માટે પેટીએમ અને યુપીઆઈ એપનો ઉપયોગ કરવામાં થતી લાપરવાહી થોડી જ સેકન્ડોમાં તમારા બેંક ખાતાને તળિયા ઝાટક કરી શકે છે. કેમ કે આજકાલ સાયબર ઠગ કેવાયસીના બહાને તો ક્યારેક કસ્ટમર કેર સપોર્ટના નામે તમારી સાથે છેતરપિંડી કરી શકે છે. એવું પણ બની શકે છે કે, કે તમારા મોબાઈલ ફોન હજુ પણ કેવાયસી કરાવવા માટે કોઈ મેસેજ આવ્યો હોય જેમાં લખેલું હોય કે, જો તમે પેટીએમ કેવાયસી નથી કરાવ્યુ તો તો તમારા ખાતાને તરત જ બંધ કરી દેવામાં આવશે.. જો તમે આવો મેસેજ સાંભળીને તે નંબર પર વાત કરશો તોપણ તમરા ખાતામાંથી પૈસા ઉપડી જઈ શકે છે.
એની ડેસ્ક અને ક્વીક સપોર્ટ દ્વારા તમારી સાથે થઇ શકે છે છેતરપિંડી
આ માટે સાઈબર ઠગ બે રીતો અપનાવે છે. તમારી સાથે સંપર્ક કરવા માટે બે રીતો અપનાવે છે. પ્રથમ તમને કેવાઈસીના નામે મેસેજ મોકલે છે અને બીજું એ કે ઠગ પોતે જ ફોન કરીને તમે બતાવે છે કે, તમારા નંબરનું ફરીવાર કેવાઈસી કરવામાં આવી રહ્યું છે. તમે ફોન પર જ કેવાઈસી કરાવી શકો છો એટલે એનો અર્થ એ કે તમે ફોન પર પણ તેની સાથે વાત કરતા રહો અને તેને તમારી વિગત આપતા રહો. આ ઠગ તમને બે મોબાઈલ એપ ડાઉનલોડ કરવાનું કહેતા હોય છે. આ મોબાઈલ એપનું નામ છે એની ડેસ્ક અને ક્વીક સપોર્ટ, તમે આ નામ યાદ રાખજો.
ઠગ તમારા મોબાઈલની તમામ ડીટેલને પોતાના મોબાઈલ પર જોઈ શકે છે
જો તમે ઠગના કહેવા મુજબ આ એપને ડાઉનલોડ કરો છો અને તેને ઓપન કરો છો ત્યારે તેના પર દસ આંકડાનો એક નંબર આવે છે. ઠગ આ નંબર તમારી પાસેથી જાણવા માગશે. આ નંબરને જાણી લીધા બાદ અને પોતાના ફોનમાં તેને એન્ટર કર્યા બાદ ઠગ તમારા મોબાઈલની તમામ ડીટેઇલને પોતાના મોબાઈલ પર જોઈ શકે છે. આ ખરેખર રિમોટ મોબાઈલ એપ હોય છે. જેના દ્વારા તમે અજાણ પણે પોતાના ફોનનો ડેટા પર બીજાને તેના ફોન પર જોવાનો અધિકાર આપી દો છો. એટલે કે કોઈ વ્યક્તિ તમારાથી ગમે તેટલો દૂર હોય તે પણ તમારા મોબાઈલ સ્ક્રીનને જોઈ શકે છે. આમ કરીને ઠગ તમારી પાસેથી માત્ર એક કે દસ રૂપિયા જ તેના વોલેટમાં નખાવે છે અને તેમ કરીને તમારો પીન નંબર જાણી લે છે. આ રીતે તમારી સાથે વાત કરતા કરતા તમારા ખાતમાંથી તમામ પૈસા કોઈ બીજાના ખાતમાં ટ્રાન્સફર કરી લેવામાં આવે છે.
ઘણી રીતો સાયબર ઠગ દ્વારા અપનાવવામાં આવે છે
ઓનલાઈન વ્યવહાર કરતા લોકો સાથે છેતરપિંડી માત્ર કેવાયસીના બહાને જ નથી થતી પરંતુ બીજી પણ ઘણી રીતો સાયબર ઠગ દ્વારા અપનાવવામાં આવે છે. આ માટે સાઈબર ઠગ પોતાના નંબરને ઓનલાઈન શોપિંગ સેન્ટરના કસ્ટમર કેર નંબર તરીકે દર્શાવે છે અને તેને ગૂગલ પર મૂકે છે. આ રીતે ઓએલએક્સ પર સામાન વેચવાના નામે પણ ઠગ તમને કોઈ લિંક મોકલીને છેતરી શકે છે. માટે સાવધાન રહેવાની જરૂર છે.