ભારત દુનિયામાં સૌથી વધુ સોનું આયાત કરે છે. તેનું એકમાત્ર કારણ છે ભારતમાં સોના પ્રત્યે લોકોનો ખાસ લગાવ. દેશના મોટાભાગના લોકોનું માનવું છે કે જો ઘરમાં સોનું છે તો તે ખરાબ સમયમાં કોઈ મુશ્કેલીનો સામનો કરવામાં કામ આવશે. આ વર્ષે ભારત સહિત સમગ્ર દુનિયામાં સોનાના ભાવમાં 30 ટકા સુધીનો ઉછાળો જોવા મળ્યો છે. ગત કેટલાક મહીનાની વાત કરીએ તો સોનાના ભાવમાં સતત ઉતાર-ચઢાવ જોવા મળે છે. દેશના તમામ શહેરોમાં 24 કેરેટ અને 22 કેરેટ સોનાના ભાવ અલગ-અલગ છે.
સસ્તું સોનું ખરીદવા માટે જાણીતા છે આ શહેરો
સસ્તું સોનું ખરીદવા પહોંચી જાવ આ શહેરોમાં
જાણી લો શું છે આજના સોનાના ભાવ
જાણો આજનો સોનાનો ભાવ
આજની વાત કરીએ તો 24 કેરેટ સોનાનો ભાવ દેશના મુખ્ય શહેરોમાં કંઈક આ પ્રકારે છે. દિલ્હી બુલિયન માર્કેટમાં પ્રતિ 10 ગ્રામનો ભાવ 53 હજાર 740 રૂપિયા, મુંબઈમાં 50 હજાર 550 રૂપિયા છે. બીજી તરફ લખનઉ અને જયપુરમાં ભાવ 53 હજાર 740 રૂપિયા છે. બીજી તરફ, 22 કેરેટ સોનાનો ભાવ પ્રતિ 10 ગ્રામ મુંબઈમાં 49 હજાર 550 રૂપિયા, કેરળમાં તેનો ભાવ 46 હજાર 950 રૂપિયા છે. હવે જોવાની વાત એ છે કે મુંબઈ અને કેરળમાં સોનાના ભાવમાં ખાસ અંતર છે. આ અંતરનું એક મોટું કારણ છે જેને આપને જણાવીએ.
આ કારણે સોનાના ભાવમાં જોવા મળે છે ફેરફાર
ભારતમાં દરેક શહેરમાં સોનાના ભાવમાં ફેરફાર પાછળનું કારણ છે રાજય સરકારો અને પ્રશાસન દ્વારા સોના પર લગાવાતો સ્થાનિક ટેક્સ. દરેક રાજ્ય અને શહેરમાં આ ટેક્સ અલગ-અલગ હોય છે. આ ઉપરાંત સ્થાનિક સોની એસોસિએશન પણ પોતાના તરફથી સોનના ભાવ નક્કી કરે છે. આ કારણે શહેર પ્રમમાણે સોનાના ભાવ બદલાતાં રહે છે.
દેશમાં સૌથી સસ્તું સોનું કેરળમાં મળે છે, જાણો ભાવ
દેશમાં જો સૌથી સસ્તું સોનું કોઈ રાજ્યમાં મળે છે તો તે કેરળ છે. જી હા, દક્ષિણ ભારતના મોટાભાગના રાજ્યોમાં પશ્ચિમ અને ઉત્તર ભારતની તુલનામાં સોનાના ભાવ ઓછા છે. મુંબઈ કે દિલ્હીની તુલનામાં કર્ણાટક અને કેરળમાં સોનું સસ્તું છે. કેરળમાં જ્યાં 22 કેરટ સોનાનો ભાવ 46,950 રૂપિયા પ્રતિ 10 ગ્રામ છે.
અન્ય રાજ્યોમાં આટલા છે સોનાના ભાવ
કોલકાતામાં 10 ગ્રામ સોનાનો ભાવ 49,740 રૂપિયા, મુંબઈમાં 10 ગ્રામ સોનાનો ભાવ 49,550 રૂપિયા, દિલ્હીમાં 10 ગ્રામ સોનાનો ભાવ 49,260 રૂપિયા, અમદાવાદમાં 10 ગ્રામ સોનાનો ભાવ 49,700 રૂપિયા, લખનઉમાં 10 ગ્રામ સોનાનો ભાવ 49,260 રૂપિયા, પટનામાં 10 ગ્રામ સોનાનો ભાવ 49,500 રૂપિયા છે. જો દક્ષિણ ભારતના શહેરોની વાત કરીએ તો અહીં ભાવ પ્રમાણમાં ઉપરના શહેરો કરતાં પણ ઓછા જોવા મળે છે. બેંગલુરુ, મૈસૂર અને મેંગલુરુમાં 10 ગ્રામ 22 કેરેટ સોનાનો ભાવ 47,650 રૂપિયા, વિજયવાડા, મદુરાઇ અને ચેન્નઇમાં તે 48,350 રૂપિયા છે.